U Karmianskim rajonie piensijanierka zahinuła, nastupiŭšy na viaroŭku z naviazanym bykom
Jak paviedamlaje Dziaržaŭny kamitet sudovych ekśpiertyz, žančyna razam sa znajomymi išła pa viaskovaj vulicy, kala jakoj paśviŭsia pryviazany byk. Piensijanierka vypadkova nastupiła na viaroŭku, na jakoj była naviazanaja žyviolina — i heta kaštavała joj žyćcia.
Adčuŭšy ryvok, byk pačaŭ rezka ruchacca. Naha žančyny trapiła ŭ piatlu, jana začapiłasia za mietaličny štyr, upała i straciła prytomnaść.
Kali pryjechali miedyki, jany ŭžo ničym nie mahli dapamahčy — paciarpiełaja pamierła da prybyćcia chutkaj dapamohi. Jak vyznačyli ekśpierty, pryčynaj śmierci stała rvanaja traŭma z paškodžańniem bujnych sasudaŭ u vobłaści kalena, što vyklikała vialikuju stratu kryvi.
Śviedki padkreślivajuć, što byk nie prajaŭlaŭ ahresii i na ludziej nie napadaŭ.
Akramia rany na nazie, sudova-miedycynskaja ekśpiertyza zaśviedčyła taksama, što ŭ kryvi zahinułaj utrymlivałasia 2,2‰ etanołu — heta adpaviadaje siaredniaj stupieni ałkaholnaha apjanieńnia.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks14
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu77
Kamientary