Illa Škuryn nie zmoh palacieć na matč u Šatłandyju, bo nie maje pašparta
Biełaruski futbalist Illa Škuryn, jaki hulaje za varšaŭskuju «Lehiju», nie zmoh palacieć na matč u Šatłandyju 21 žniŭnia, bo ŭ jaho skončyŭsia biełaruski pašpart i jon nie zmoh atrymać brytanskuju vizu, piša Legia.Net.
Trenier «Lehii» Edvard Iardanesku abjaviŭ skład kamandy na matč 4-ha kvalifikacyjnaha raunda Lihi Jeŭropy suprać «Chibierniana» ŭ Edynburhu, ale Škuryn nie trapiŭ u lik 23 vyklikanych hulcoŭ praz adsutnaść dziejnaha pašparta.
Brytanskija ŭłady staviać biełarusam šmatrazovyja vizy na rozny termin, ale dla hetaha patrebien dziejny pašpart. U Illi Škuryna jość polski prajazny dakumient dla pajezdak pa Jeŭrasajuzie, ale dla Šatłandyi patrebna jašče brytanskaja viza. Škuryn prosta nie paśpieŭ by atrymać vizu ŭ prajazny dakumient, bo termin čakańnia raściahnuŭsia b.
Vydańnie adznačaje, što Škuryn svabodna vałodaje polskaj movaj i ŭ pryncypie moža padać zajavu na polskaje hramadzianstva i pašpart.
U lipieni Škuryn taksama prapuściŭ matč u Kazachstanie z-za ryzyki zatrymańnia. Jon adkryta krytykuje Łukašenku i ŭ 2020 hodzie zajaviŭ, što nie pajedzie ŭ zbornuju, pakul Łukašenka va ŭładzie.
Kamientary