Aŭtamabil chutkaj dapamohi trapiŭ u DTZ u Breście, fielčarku špitalizavali
Siońnia ŭ 11:18 u Breście zdaryłasia DTZ z udziełam aŭtamabila chutkaj dapamohi. Śpiecmašyna, jakaja jechała z uklučanymi majačkami, akazałasia na baku, a fielčarku ź jaje advieźli ŭ balnicu.
Za rulom mašyny chutkaj dapamohi, što jechała z uklučanymi probliskavymi majačkami siniaha koleru, byŭ 37-hadovy vadziciel.
Na skryžavańni vulic Maskoŭskaj i Pijanierskaj adbyłosia sutyknieńnie z aŭtamabilem GMC pad kiravańniem 24-hadovaha chłopca. Ad udaru aŭtamabil chutkaj mieddapamohi pierakuliŭsia.
Fielčarku dastavili ŭ balnicu.
«Pry nabližeńni transpartnaha srodku apieratyŭnaha pryznačeńnia z uklučanym majačkom siniaha koleru vadzicieli niezaležna ad napramku ich ruchu pavinny ŭstupić jamu darohu i zabiaśpiečyć bieśpieraškodny prajezd», — nahadali ŭ Dziaržaŭtainśpiekcyi.
Kamientary