Va aŭtorak na praśpiekcie Pieramožcaŭ minčuki mahli nazirać niezvyčajnaje vidovišča: u bok centra ruchałasia pracesija ź ikonami i charuhvami. Pad daždžom u płaščach i z parasonami ludzi raściahnulisia ŭ kałony daŭžynioj amal u sotniu mietraŭ, piša Onliner.by.
Udzielniki šeścia — pilihrymy, udzielniki tradycyjnaha Ŭsiebiełaruskaha chresnaha chodu, jaki prajšoŭ užo čaćviorty raz.
Jon startavaŭ 18 žniŭnia ŭ Žyrovičach i ŭ aŭtorak, 26 žniŭnia, zaviaršyŭsia kala Śviata-Duchava kafiedralnaha sabora. Za čas šlachu pilihrymy pieraadoleli 250 kiłamietraŭ. Štodnia jany prachodzili ad 20 da 40 km. Zaviaršyŭsia chresny chod śviatočnaj božaj liturhijaj kala Śviata-Duchava kafiedralnaha sabora. Jaje ŭznačaliŭ Patryjaršy Ekzarch usiaje Biełarusi, mitrapalit Minski i Zasłaŭski Vienijamin.
Kamientary