Ahlad da Dnia viedaŭ padrychtavaŭ Nacyjanalny statystyčny kamitet krainy.
Ahulnaja kolkaść piedahohaŭ, zaniatych u ŭstanovach ahulnaj siaredniaj adukacyi, dasiahnuła 102,3 tysiačy. U siarednim na kožnaha nastaŭnika ŭ krainie prypadaje 11 vučniaŭ, a ŭ sielskaj miascovaści hety pakazčyk nižejšy — kala šaści dziaciej na piedahoha, paviedamlaje Blizko.by.
Siarod najbolš zapatrabavanych napramkaŭ siarod piedahohaŭ — matematyka, za joj iduć nastaŭniki ruskaj i biełaruskaj moŭ i litaratury. Niečakana, ale vykładčyki fizičnaj kultury zajmajuć piataje miesca z pakazčykam u 9,8%.
U prafiesii vyrazna prajaŭlajecca hiendarny dysbałans: žančyny składajuć 83,2% ad ahulnaj kolkaści piedahohaŭ, u toj čas jak mužčyny — 16,8%.
Što tyčycca materyjalnaha ŭznaharodžańnia, to, zhodna z dadzienymi Biełstata, naminalny naličany zarobak nastaŭnikaŭ za pieryjad z studzienia pa lipień 2025 hoda skłaŭ 2526,4 rubla, abo 2172,7 rubla «čystymi». U lipieni siaredni zarobak u Biełarusi skłaŭ 2772,4 rubla «brudnymi», abo 2384 rubli «čystymi».
Ciapier čytajuć
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary