«My zrabili ŭsio mahčymaje, kab kancert adbyŭsia. Na žal, abstaviny skłalisia inakš». U instahramie źjaviłasia abviestka ad arhanizataraŭ kancerta Maksa Karža — vystupu 6 vieraśnia nie budzie.
Padrychtoŭka da kancerta viałasia ź listapada 2024 hoda. Kamanda z bolš čym 500 śpiecyjalistaŭ z krain SND i Jeŭropy pracavała nad padrychtoŭkaj. U studzieni byli padadzieny ŭsie nieabchodnyja dakumienty dla atrymańnia dazvołu na praviadzieńnie mierapryjemstva. Jašče 7 i 11 lutaha atrymali adkaz ad dziaržaŭnych orhanaŭ horada Ałmaty. Na padstavie hetych dakumientaŭ 13 sakavika byŭ zaklučany dahavor z Dyrekcyjaj spartyŭnych zbudavańniaŭ i ŭniesiena pieradapłata, raspaviadajuć arhanizatary.
Paśla letašniaj admieny kancerta, dla paćviardžeńnia dasiahnutych damoŭlenaściej, 10 sakavika Dyrekcyja spartyŭnych zbudavańniaŭ apublikavała aficyjny dopis pra toje, što kancert adbudziecca.
Užo 17 sakavika bilety pastupili ŭ prodaž i ŭ samyja karotkija terminy byli raskupleny, na kancert jechała bolš za 17 000 turystaŭ, a ŭ cełym było pradadziena 35 000 biletaŭ.
Ale 27 žniŭnia źjaviŭsia dopis u aficyjnym akaŭncie Dyrekcyi ab admienie kancerta, źviazanaj z techničnym stanam pola.
«Aficyjna zajaŭlajem: kancert Maksa Karža na Centralnym stadyjonie 6 vieraśnia nie adbudziecca», — napisali arhanizatary.
«My chočam padkreślić: padrychtoŭka viałasia da apošniaha momantu, i my zrabili ŭsio mahčymaje, kab kancert adbyŭsia. Na žal, abstaviny skłalisia inakš. Prynosim ščyryja prabačeńni kožnamu hledaču i asobna prynosim prabačeńni tym, chto ŭžo prylacieŭ i pryjechaŭ u Ałmaty ź inšych krain. My vielmi spadziajomsia na vaša razumieńnie», — napisali arhanizatary.
Hrošy za kvitki abiacajuć viarnuć.
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary