Stała viadoma, kamu naležyć novy «niezaležny» partał, adkryty ŭ Biełarusi
Za im staić IT-kampanija, viadomaja svaim videanazirańniem i sistemaj identyfikacyi, daviedalisia rasśledavalniki «Biuro».
U Biełarusi źjaviłasia novaje miedyja Times.by. Vydańnie pazicyjanuje siabie jak «multymiedyjny internet-resurs pra samaje važnaje i cikavaje ŭ Biełarusi i śviecie». Vydańnie naležyć kampanii ZAT «Tajms Miedyja Hrup». Jana była zarehistravanaja ŭ lipieni 2025 hoda.
Pavodle infarmacyi krynicy «Biuro», letaś uładalniki hrupy kampanij «Siniezis» vyrašyli stvaryć ułasnaje bujnoje miedyja, kab skłaści kankurencyju niedziaržaŭnym vydańniam, što zastalisia ŭ Biełarusi.
Forma ZAT nie praduhledžvaje raskryćcia akcyjanieraŭ praz ahulnadastupnyja bazy dadzienych. I chto mienavita vałodaje kampanijaj, dakładna nieviadoma.
Adnak «Biuro» znajšło fakt, jaki pakazvaje na toje, što vydańnie Times.by źviazanaje z hrupaj kampanij «Siniezis». Pry rehistracyi damiena times.by byŭ paznačany elektronny adras [email protected]. Hety damien vykarystoŭvajecca jak karparatyŭnaja pošta ŭ strukturach, źviazanych z «Siniezisam».
«Siniezis» raspracavała sistemu raspaznavańnia tvaraŭ Kipod, na asnovie jakoj biełaruskija ŭłady zamovili ŭ kampanii raspracoŭku «Respublikanskaj sistemy manitorynhu hramadskaj biaśpieki». U 2020 hodzie hetaja sistema prymianiałasia dla identyfikacyi pratestoŭcaŭ. Viadomy jak minimum adzin publičny kiejs vykarystańnia sistemy ŭ represijach — zatrymańnie anarchista Mikoły Dziadka.
Paśla padziej 2020 hoda kampanija i jaje suzasnavalnik Alaksandr Šatroŭ patrapili pad mižnarodnyja sankcyi. U 2023 hodzie jany prajhrali sudy ŭ ES, dzie sprabavali asprečyć rašeńni pa sankcyjach.
Hałoŭnaja redaktarka Times.by — Alena Krutalevič, byłaja hałoŭnaja redaktarka BiełTA, jakaja atrymała ŭ 2025 hodzie padziaku asabista ad Alaksandra Łukašenki.
Dyrektar — Alaksandr Marcinkievič, były namieśnik kiraŭnika PVT.
Ciapier viadoma jak minimum pra vosiem žurnalistaŭ, jakija pracujuć u hetym vydańni. Heta byłyja abo ciapierašnija supracoŭniki vydańniaŭ Sputnik Biełaruś, «Minsk-Novosti», Tochka.by, BiełTA, «SB. Biełaruś Siehodnia» i inšych.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary
Nu na hetym novym partale, darečy, hetak ža hanaracca ŭradžencam Mazary na pasadzie Masada, što i Naša Niva - da čaho tady kryk?
Darečy, užo vykryli adkul u Sinezisa technałohii sačeńnia? Niaŭžo sami prydumali? Jak i mahčymaść pošuku pa niekalkich vielmi vialikich dat?