Łukašenka zajaviŭ, što heta była jaho ideja — lekavać paranienych rasijskich vajskoŭcaŭ u biełaruskich špitalach
Pra heta Alaksandr Łukašenka zajaviŭ na cyrymonii ŭručeńnia dypłomaŭ doktara navuk i atestataŭ prafiesara, piša BiełTA.
Jon raskazaŭ, što z pačatkam uvarvańnia va Ukrainu vystupaŭ za toje, kab biełaruskija daktary atrymali praktyčny dośvied pracy z takimi ciažkimi vypadkami. «Ja byŭ prychilnikam taho, kab našych daktaroŭ (i nie tolki vajskovych) akunuć u tuju realnaść, jakaja tam adbyvajecca. A realnaść časam žudasnaja», — skazaŭ Łukašenka.
Asobna jon adznačyŭ rolu biełaruskich miedykaŭ padčas praviadzieńnia abmienaŭ pałonnymi pamiž Rasijaj i Ukrainaj, kali paranienych nakiroŭvali ŭ miedycynskija ŭstanovy Biełarusi. «Kali pačalisia hetyja abmieny, my asabliva nakiroŭvali ich na poŭdzień krainy — u rajonnyja balnicy i homielskuju balnicu. Ja tady patrabavaŭ ad ministra achovy zdaroŭja, kab našy daktary bolš bačyli, što adbyvajecca», — dadaŭ jon.
Ciapier čytajuć
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary