76-hadovaja piensijanierka trapiła pad chutkasnuju elektryčku ŭ Buda-Kašaloŭskim rajonie
Piensijanierka z Homiela trapiła pad chutkasnuju elektryčku ŭ Buda-Kašaloŭskim rajonie, paviedamiŭ BiełTA staršy pamočnik prakurora Homielskaj vobłaści pa nahladzie za vykanańniem zakanadaŭstva na transparcie i ŭ mytnych orhanach Siarhiej Kazakievič.
Trahiedyja na čyhuncy adbyłasia dniom 7 vieraśnia. Kala 14.00 ciahnikom mižrehijanalnych linij biznes-kłasa №710 Minsk — Homiel na 234-m km pierahonu Buda-Kašaloŭskaja — Uza śmiarotna traŭmavanaja hamialčanka 1949 hoda naradžeńnia.
Piensijanierka pierachodziła čyhunačnyja rejki pa aŭtamabilnym pierajeździe ŭ rajonie prypynku Čaratok.
«Žančyna pierachodziła z dvuma vialikimi torbami, jana praktyčna biehła. Adnak nie reahavała na hukavyja sihnały vialikaj hučnaści. Mahčyma, spadziavałasia praskočyć pierad ciahnikom. Niahledziačy na ŭžytaje ekstrannaje tarmažeńnie, praduchilić najezd nie ŭdałosia. Pažyłaja žančyna zahinuła na miescy», — raspavioŭ Siarhiej Kazakievič.
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary