Były karupcyjanier niezakonna atrymaŭ 30 tysiač rubloŭ piensii. Ciapier viartaje ich nazad
U Mahilovie prakuratura abaviazała miascovaha byłoha dziaržaŭnaha słužboŭca viarnuć bolš za 30 tysiač rubloŭ, jakija jon atrymaŭ u vyhladzie piensii. Pravierka pakazała, što vypłaty byli nieabhruntavanymi, paviedamlaje Hienieralnaja prakuratura.
Mužčyna ŭ svoj čas źviarnuŭsia ŭ rajonnaje ŭpraŭleńnie sacyjalnaj abarony ab pryznačeńnie piensii pavodle zakona «Ab dziaržaŭnaj słužbie». U vyniku vypłaty jon atrymaŭ, ale pry hetym nie paviedamiŭ, što suprać jaho raniej było spyniena kryminalnaja sprava pa artykule 426 KK RB (pieravyšeńnie słužbovych paŭnamoctvaŭ) z pryznańniem składu złačynstva. Pavodle zakona «Ab baraćbie z karupcyjaj», heta pazbaŭlaje prava na piensiju za vysłuhu hadoŭ dla dziaržaŭnych słužboŭcaŭ, jakija ździejśnili ciažkija złačynstvy suprać intaresaŭ słužby.
U vyniku na praciahu niekalkich hadoŭ mužčyna atrymaŭ bolš za 30 tysiač rubloŭ, na jakija nie mieŭ prava. Viartać ich dobraachvotna jon admoviŭsia, tamu prakuratura padała pazoŭ u sud ad imia rajonnaha ŭpraŭleńnia sacyjalnaj abarony.
Na pracesie mužčyna pryznaŭ patrabavańni i vypłaciŭ amal 25 tysiač rubloŭ. Na astatniuju sumu baki zaklučyli miravuju damovu, pavodle jakoj jon pavinien vypłacić reštu.
Pasadzili dyrektara «Minskabłdarbuda»
U Homielskaj vobłaści prajšli masavyja zatrymańni za chabar — zaviedziena 18 kryminalnych spraŭ
Minski top-mieniedžar adsiedzieŭ za karupcyju, vyjšaŭ i znoŭ pačaŭ brać chabar u tych ža samych ludziej
U kamiteta pa zdaroŭi Minska źjaviŭsia novy kiraŭnik. Papiaredniaha zatrymali, ale ŭłady pra heta maŭčać
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki19
Kamientary