Pad Łahojskam siońnia nočču pierakuliŭsia aŭtamabil. Ajfon kiroŭcy sam adpraviŭ paviedamleńnie ŭ MNS
Siońnia nočču na Minska-Viciebskaj aŭtamahistrali kala vioski Kazyry pierakuliŭsia «Chiondaj Łantra». Kiroŭca nie moh sam vybracca z mašyny.
Inśpiektar siektara prapahandy i ŭzajemadziejańnia z hramadskaściu Łahojskaha RANS Viktoryja Žuk raspaviała Kraj.by: «Ajfon kiroŭcy aŭtamabila siońnia nočču, 11 vieraśnia, kala 00:55 u centr apieratyŭnaha kiravańnia Łahojskaha rajonnaha adździeła pa nadzvyčajnych situacyjach adpraviŭ paviedamleńnie ab tym, što jaho ŭładalnik trapiŭ u darožna-transpartnaje zdareńnie. U paviedamleńni byli paznačany kaardynaty: 61 kiłamietr aŭtamahistrali M3 «Minsk — Viciebsk». Heta niedaloka ad vioski Kazyry».
Sa słoŭ Viktoryi Žuk, ratavalniki vyjechali na miesca i pry dapamozie admysłovaj pryłady dastali kiroŭcu z mašyny. Paśla hetaha bryhada chutkaj dapamohi adviezła ŭładalnika mašyny, a taksama jaho pasažyra ŭ Minskuju abłasnuju kliničnuju balnicu. Pravierku pa fakcie darožna-transpartnaha zdareńnia pravodzić Dziaržaŭtainśpiekcyja.
Papiarednie ŭstanoŭlena, što kiroŭca źbiŭ dzika. U vyniku lehkavik źjechaŭ u pravy pa chodzie ruchu kiuviet, dzie ŭrezaŭsia ŭ dreva i pierakuliŭsia.
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia6
Kamientary