Hamielčuka vyzvalili ad adkaznaści za ŭdzieł u pratestach praz toje, što ŭžo prajšło piać hadoŭ. Heta taki pieršy viadomy vypadak
Andreja Chryścina vyrašyli nie sudzić — «vyzvalili ŭ suviazi z vychadam terminu pryciahnieńnia». Ale jaho imia ŭsio roŭna dadali ŭ milicejski śpis ekstremistaŭ.
Andreju Chryścinu 36 hadoŭ. Jon hamialčuk. Viadoma pra jaho niašmat — paśla vučoby pracavaŭ u roznych śfierach, niekatory čas žyŭ u Rasii. U 2022‑m adpačyvaŭ u Hruzii, dyj ahułam lubić padarožžy.
Andreja musili sudzić uvosień 2025 hoda za ŭdzieł u pratestach. Ale paŭnavartasnaha suda nie było. Andreja vyzvalili ad pakarańnia, bo skončyŭsia termin pryciahnieńnia da adkaznaści pa artykule 342 KK — «udzieł u dziejańniach, jakija hruba parušajuć hramadski paradak». To-bok prajšło nie mienš za piać hadoŭ z dnia marša, u jakim jon udzielničaŭ
Ale Chryścina ŭsio roŭna ŭnieśli ŭ śpis «ekstremistaŭ», jaki viadzie MUS.
Heta pieršy publična viadomy vypadak vyzvaleńnia ad pakarańnia pa «narodnym» 342‑m artykule z 2020 hoda. Ale, pa infarmacyi «Našaj Nivy», takich vypadkaŭ užo šmat.
Jak bačym, heta nie ratuje tych, suprać kaho prajšoŭ termin daŭniny, ad uniasieńnia ŭ śpisy «ekstremistaŭ» i ŭsio roŭna moža stvarać prablemy, naprykład, pry pracaŭładkavańni.
«Naša Niva» — bastyjon biełaruščyny
PADTRYMAĆCiapier čytajuć
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru8
Kamientary
[Zredahavana]