Litva: Situacyja padčas vučeńniaŭ «Zachad» spakojnaja, niezakonnaja mihracyja skaraciłasia
Kiraŭnik Słužby achovy dziaržaŭnaj miažy Litvy (VSAT) Rustam Lubajeŭ zajaviŭ, što ŭ piatnicu, kali Rasija i jaje sajuźnica Biełaruś pačali sumiesnyja vajennyja vučeńni «Zachad», situacyja na litoŭskaj miažy zastavałasia spakojnaj, a płyni niezakonnaj mihracyi skaracilisia.
«Mahu skazać, što pieršyja vychadnyja aktyŭnaj fazy vučeńniaŭ «Zachad» na miažy prajšli dastatkova spakojna jak z punktu hledžańnia niezakonnaj mihracyi, tak i ŭ płanie roznych inšych incydentaŭ na dziaržaŭnaj miažy. Pamiežniki za vychadnyja nie zafiksavali jakoj-niebudź pavyšanaj aktyŭnaści na miažy ź Biełaruśsiu i Rasijaj», — skazaŭ R. Lubajeŭ u paniadziełak u efiry radyjo LRT.
«Što datyčycca niezakonnaj mihracyi, płyniaŭ taksama nie fiksavałasia, možna skazać, što padčas vučeńniaŭ płyni nielehalnaj mihracyi na miažy ź Biełaruśsiu skaracilisia», — dadaŭ jon.
Adnak, pa jaho słovach, u siaredzinie minułaha tydnia, pierad pačatkam aktyŭnaj fazy vučeńniaŭ, było zafiksavana pavieličeńnie kolkaści sprob niezakonnaha pierasiačeńnia miažy.
«Ale ŭ cełym, aceńvajučy situacyju ŭ našym rehijonie, možna skazać, što napružanaść zachoŭvajecca, a płyni niezakonnaj mihracyi zastajucca dastatkova vialikimi», — adznačyŭ kiraŭnik VSAT.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary