Milicyja znajšła vandałaŭ, jakija raźnieśli bietonnuju aharodžu mohiłak. Im pa dzieviać hadoŭ
U vioscy Rusota Hrodzienskaha rajona śviaščeńnik pabačyŭ mocna razburanuju bietonnuju aharodžu miascovych mohiłak. Milicyjaj było ŭstanoŭlena, što vinavatyja ŭ hetym dvoje dzieviacihadovych chłopčykaŭ.
Pavodle hrodzienskaj milicyi, dzieci pryjechali na samakatach na mohiłki z susiedniaha spalnaha rajona Hrodna. Udarami noh pa bietonnych panelach jany paškodzili 24 elemienty aharodžy.
Ahulnaja suma škody skłała 2400 rubloŭ.
Z-za taho, što dzieci nie dasiahnuli ŭzrostu kryminalnaj adkaznaści, kryminalnuju spravu nie zavodzili. Ale baćki ciapier kampiensujuć škodu.
«Chłopčyki pachodziać z prystojnych siemjaŭ, charaktaryzujucca vyklučna stanoŭča, raniej u pole zroku milicyi nie traplali. Pavodle ich słoŭ, jany sprabavali dakazać adzin adnamu svaju fizičnuju siłu», — paviedamiŭ namieśnik načalnika Hrodzienskaha RAUS Juryj Skok.
Kamientary
ci to chłopcy takija brusy li
ci to chtości nahreŭsia na uparadkavańni mohiłak.