Čatyry aeraporty ŭ Danii paviedamili pra nieapaznanyja drony. U adnym ź ich prypynili paloty
Aeraport horada Olbarh na poŭnačy Danii ŭ sieradu ŭviečary prypyniŭ paloty paśla taho, jak u pavietranaj prastory byli zaŭvažanyja nieapaznanyja drony. Jašče try nievialikija aeraporty na poŭdni krainy — u haradach Esbjerh, Sionierborh i Vojensie — taksama paviedamili pra źjaŭleńnie dronaŭ, ale praciahnuli pracu, piša Bi-bi-si.
«A 21:44 palicyja Paŭnočnaj Jutłandyi atrymała paviedamleńnie pra niekalki niepaznanych dronaŭ u pavietranaj prastory nad aeraportam Olbarha. Vialikaja kolkaść supracoŭnikaŭ palicyi prysutničaje ŭ hetym rajonie i ŭvažliva sočyć za situacyjaj», — havaryłasia ŭ paviedamleńni palicejskich u sacsietcy X.
Palicyja paviedamiła žurnalistam, što byŭ zaŭvažana bolš za adzin dron, pry hetym ułady nie zmahli ŭdakładnić, kolki mienavita bieśpiłotnikaŭ znachodziłasia nad aeraportam.
«My pakul nie možam prakamientavać metu palotaŭ dronaŭ u hetym rajonie, a taksama nie možam skazać ničoha pra toje, chto za hetym staić», — skazaŭ hałoŭny inśpiektar miascovaj palicyi Jeśpier Bojhaar Madsien.
Pavodle servisu Flightradar24, apošni bort pryziamliŭsia ŭ Olbarhu a 21:17 pa miascovym časie ŭ sieradu, apošni ŭźlot byŭ zafiksavany a 21:19. Try rejsy avijakampanij SAS, Norwegian i KLM byli pieranakiravanyja ŭ inšyja aeraporty, try rejsy byli admienienyja.
Flightradar24 taksama paviedamiŭ sa spasyłkaj na Jeŭrapiejskuju arhanizacyju pa biaśpiecy pavietranaj navihacyi (Eurocontrol), što abmiežavańni buduć dziejničać da 4 ranicy UTC (supadaje z časam pa Hrynvičy) «z-za aktyŭnaści dronaŭ pablizu aeraporta».
Uviečary ŭ paniadziełak aeraport «Kastrup» u Kapienhahienie prypyniŭ paloty na niekalki hadzin z-za niepaznanych bieśpiłotnikaŭ. U noč na aŭtorak taksama zakryvaŭsia aeraport stalicy Narviehii Osła. Zakryćcio aeraporta Kapienhahiena ŭłady nazvali «najbolš surjoznaj atakaj na dackuju infrastrukturu».
«Heta śviedčyć pra čas, u jakim my žyviom, i pra toje, da čaho my, jak hramadstva, pavinny być hatovyja», — zajaviła žurnalistam premjer-ministr Miete Frederyksien.
Pavodle jaje słoŭ, nielha vyklučać datyčnaść Rasii da incydentu. Pres-sakratar Kramla Dźmitryj Piaskoŭ nazvaŭ hetyja abvinavačvańni biespadstaŭnymi.
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie3
Kamientary
Posyłaj, s luboj barži, nieskolko "nieopoznannych" dronov, uchodi v niesoznanku i budieš otpravlať v tartarary ekonomiku Jevropy.
A jeśli eto praktikovať s borta barži v Sriediziemnom, Krasnom, Karskom, Mramornom i druhich moriach i okieanach omyvajuŝich Jevropu, to, čieriez miesiac, ot ekonomiki Jevropy ostanutsia rožki da nožki.
Tiem boleje, čto rieakcii Jevropy i SŠA, na "nieopoznannyje" bieśpiłotniki, napominajut rieakciju pticy na čučieło v ohorodie.
Jevropa i NATO paničieskij bojatsia śbivať "nieopoznannyje" bieśpiłotniki v svojom, vozdušnom prostranstvie.
A jeśli i načnut śbivať, to sriedstvami PVO, kotoryje stojat v 1000 raz dorožie i izhotavlivajutsia v diesiatki raz dolšie "nieopoznannoho" bieśpiłotnika.
Čto diełali vojennyje analitiki, politiki, rukovoditieli Jevropy, SŠA i NATO s 2022 (2014) hoda, čiem zanimaliś ?, navierno ano.....om....?