Aksakały Turkmienistana paprasili ŭ prezidenta bolš nie pavyšać zarobki, piensii i dapamohi
Ź niezvyčajnaj inicyjatyvaj vystupiŭ hanarovy starejšyna Jazmyrat Atamyradaŭ na pasiadžeńni Chałk Masłachaty (turkmienski anałah Usiebiełaruskaha narodnaha schodu).
Pavodle aksakała, ludzi ŭ Turkmienistanie žyvuć i tak dobra, a hrošy, jakija mahli b iści na pavyšeńnie zarobkaŭ i dapamoh, lepš nakiravać «na raźvićcio krainy i inšyja važnyja kirunki».
Jak śćviardžaje Atamyradaŭ, ilhot nasielnictvu, padobnych turkmienskim, nie daje ni adna dziaržava ŭ śviecie.
«Uličvajučy vysoki ŭzrovień sacyjalna-bytavych umoŭ ludziej, prapanuju pierastać pavyšać zarobki, piensii, dziaržaŭnyja dapamohi, stypiendyi», — skazaŭ starejšyna.
Pry hetym kali brać nie aficyjnyja relacyi adnoj z najbolš zakrytych krain śvietu, a śviedčańni vidavočcaŭ i acenki ekśpiertaŭ, to zvyčajna ŭzrovień žyćcia ŭ Turkmienistanie nie aceńvajecca nadta vysoka, niahledziačy na bahatyja pryrodnyja resursy, jakimi vałodaje kraina. Nasielnictva adčuvaje ciažkaści z zadavalnieńniem bazavych patrebaŭ, takich jak ježa i leki, asabliva piensijaniery, vypłaty jakim čaściakom nie pakryvajuć navat minimalnych vydatkaŭ.
«Abyjakavaść i nianaviść». Jak žyvie Turkmienistan — kraina, palityčnuju sistemu jakoj kapijuje Łukašenka
Turkmienistan zajaviŭ pra hatoŭnaść pastaŭlać haz u Jeŭropu
Turkmienski futbolny kłub pabiŭ rekord Knihi Hinesa, ale taja čamuści hetaha nie pryznaje
«Duchoŭnyja skrepy» pa-turkmiensku. Zabaraniajecca trymacca ŭ publičnych miescach za ruki, a žančynam nanosić makijaž
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
Kamunałka 5-15$
Raniejšyja štomiesiačnyja darmovyja tałony na 720 litraŭ bienzinu admienienyja jašče dzieści ŭ 2008 ci 2009 hodzie.
Astatniaje zbolšaha ŭsio jak ŭ nas, dobraha mała. I na turkmienskaj movie ŭsio, krychu na uźbieckaj, ale toje nie robić ludziej ščaślivymi. Tolki schavaŭšychsia za miažoj ad vojska nie kidajuć ŭ turmu paśla 27 hadoŭ.
Adukacyja ŭ chłam, u zalikoŭku kładzieš 5$ za zalik i 10$ za ekzamien - voś i zdaŭ siesiju. Čynoŭniki, mienty, padatkovaja, dy usie... usie prosta na rabočym miejscy z tvaich ruk biaruć dalary, inačaj i nie padychodź.
Ź cikavaha - biaruć tolki ŭ svaich hramadzianaŭ, bo jany nie buduć skardzicca, dy i nie dakažuć ničoha biez tych ža samych dalaraŭ. U inšaziemcaŭ brać bajacca.
Z asabistych nazirańniaŭ - turkmieny dy uźbieki, jakich tam bahata, davoli pryjemnyja, i šlachietnyja ludzi.