Ukrainka chacieła patajemna pravieźci ŭ Biełaruś bolš za kiłahram juvielirnych vyrabaŭ
51‑hadovaja hramadzianka Ukrainy sprabavała pravieźci z Polščy ŭ Biełaruś bolš za kiłahram juvielirnych vyrabaŭ, nie zadekłaravaŭšy ich na miažy. Incydent adbyŭsia ŭ punkcie propusku Brest — Terespal.
Žančyna prajšła praz «zialony kalidor», dzie pavinny iści pasažyry biez tavaraŭ, što patrabujuć dekłaracyi. Adnak padčas pravierki mytniki znajšli ŭ jaje kišeniach dva papiarovyja skrutki, abmatanyja skotčam. Usiaredzinie byli załatyja ŭpryhožańni z kaštoŭnymi kamianiami.
Paśla patrabavańnia pakazać usie schavanyja rečy ŭ žančyny znajšli jašče piarścionki, zavušnicy, padvieski i inšyja vyraby — usiaho 26 pradmietaŭ ahulnaj vahoj bolš za 1 kh.
Ekśpiertyza zaśviedčyła, što ŭpryhožańni zroblenyja sa spłavaŭ zołata 585‑j i 750‑j proby. Ich košt acenieny bolš čym u 220 tysiač biełaruskich rubloŭ (prykładna 71 tysiača dalaraŭ). Pavodle mytnikaŭ, takim čynam žančyna chacieła paźbiehnuć apłaty pošliny bolš čym u 40 tysiač rubloŭ (kala 13 tysiač dalaraŭ).
Na žančynu zaviedziena administracyjnaja sprava pavodle č. 2 art. 15.1 KaAP — za sprobu pieramiaščeńnia tavaraŭ praź miažu z utojvańniem ad mytnaha kantrolu. Joj pahražaje štraf da 30 bazavych vieličyń (1260 rubloŭ) i kanfiskacyja juvielirnych vyrabaŭ.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary