Z 2026 hoda pačnuć dziejničać novyja normy žyllova-kamunalnych pasłuh
Ministerstva žyllova-kamunalnaj haspadarki svajoj pastanovaj vyznačyła normy i narmatyvy vydatkaŭ na kamunalnyja pasłuhi ŭ 2026 hodzie. Dakumient apublikavany na Nacyjanalnym pravavym partale.
U pastanovie prapisana, što narmatyvy strat ciepłavoj enierhii ŭ sietkach nie pavinny pieravyšać 8,9%. Dla strat i niaŭličanych vydatkaŭ vady ŭstanoŭleny limit u 12%.
Taksama vyznačanyja hraničnyja normy vydatkaŭ na akazańnie kamunalnych pasłuh. Dla chałodnaha vodazabieśpiačeńnia hety pakazčyk składzie nie bolš za 0,2647 rubla za kubamietr vady, a dla vodaadviadzieńnia — nie bolš za 0,2023 rubla za kubamietr ściokaŭ.
U śfiery ciepłazabieśpiačeńnia i haračaha vodazabieśpiačeńnia ad ułasnych krynic narmatyŭ nakładnych vydatkaŭ ustanoŭleny na ŭzroŭni 15,6206 rubla za hihakałoryju.
Dla techabsłuhoŭvańnia doma — 0,0335 rubla za kvadratny mietr ahulnaj płoščy, a dla techabsłuhoŭvańnia lifta — 0,0233 rubla za kvadratny mietr.
Taksama rehulujucca vydatki na abychodžańnie sa śmiećciem: jany nie pavinny pieravyšać 1,8392 rubla za kubamietr abo 13,1479 rubla za tonu.
Kamientary