U Druskienikach znojdzieny mieteazond z 1400 pačkami kantrabandnych cyharet
Heta 550‑y mietearałahičny zond z kantrabandnymi cyharetami, znojdzieny ŭ Litvie sioleta.
U piatnicu na terytoryi samakiravańnia ŭ Druskienikach byŭ vyjaŭleny pavietrany šar z 1,4 tys. pačkaŭ kantrabandnych cyharet. Tam ža znachodziŭsia i GPS-pieradatčyk z SIM-kartkaj. Heta ahienctvu ELTA paćvierdziŭ pradstaŭnik Słužby achovy dziaržaŭnaj miažy Hiedrus Mišucis.
Pa jaho słovach, cyharety byli vyjaŭleny pamiežnikami Druskienikskaj zastavy. Kantrabanda znachodziłasia na terytoryi Viačunskaha starostva, raźmieščanaha ŭ pamiežnaj zonie, paviedamlaje LRT.
Heta 550‑y mietearałahičny zond z kantrabandnymi cyharetami, znojdzieny ŭ Litvie ŭ hetym hodzie.
Uviečary ŭ čaćvier z-za šaroŭ, jakija lacieli ŭ bok stalicy Litvy, na niekalki hadzin iznoŭ było prypyniena avijazłučeńnie ŭ aeraporcie Vilni.
Pa hetaj ža pryčynie na minułym tydni čatyry razy była prypyniena rabota Vilenskaha aeraporta i adzin raz — u Koŭnie. Z-za vialikaj kolkaści kantrabandysckich šaroŭ u sieradu na pasiadžeńni Kabinieta ministraŭ było pryniata rašeńnie da 30 listapada zakryć miažu ź Biełaruśsiu.
Zakryty apošnija pamiežnyja kantrolna-prapusknyja punkty — u Miednikach (Kamienny Łoh) i Salečnikach (Bieniakoni).
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ8
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
- Synok. Ty chlev zakrył?
-Zakrył, batia.
- I na ŝiekołdu zakrył?
-Zakrył, batia
- I zamok poviesił?
- Poviesił, poviesił...
- A dyru s stienie sołomoj zatknuł čto by korova nie vylezła?
Zanavies.