U Estonii ŭchvalili zakonaprajekt ab abmiežavańniach nabyćcia nieruchomaści biełarusami
Urad Estonii ŭchvaliŭ zakonaprajekt, jaki abmiažoŭvaje mahčymaść hramadzianam Biełarusi i Rasii nabyvać nieruchomaść u krainie, piša vydańnie ERR.
Zhodna z zakonam, hramadzianie Biełarusi i Rasii, jakija nie majuć u Estonii pastajannaha dazvołu na žycharstva abo prava na doŭhaterminovaje pražyvańnie, a taksama kampanii, źviazanyja z hetymi dziaržavami ci kantralavanyja imi, nie zmohuć kuplać nieruchomaść pa ŭsioj terytoryi Estonii.
Ułady tłumačać heta mierkavańniami biaśpieki: jany śćviardžajuć, što nieruchomaść moža vykarystoŭvacca dla vyviedki, zboru infarmacyi, padrychtoŭki dyviersij abo inšaj dziejnaści, jakaja moža pahražać dziaržavie. Tamu, na dumku estonskaha boku, nieabchodna zakryć mahčymaści, jakimi mohuć skarystacca «varožyja dziaržavy».
Abmiežavańni buduć tyčycca taksama kampanij, zarehistravanych u Biełarusi i Rasii, a taksama struktur u inšych krainach, kali ich kančatkovyja ŭładalniki padpadajuć pad hetyja praviły. Ułady chočuć praviarać, chto faktyčna kantraluje pakupnika, kab abyści zabaronu było niemahčyma.
Zakon nie zakranie ŭžo nabytuju nieruchomaść i nie budzie mieć zvarotnaj siły. Taksama jon nie tyčycca tych biełarusaŭ i rasijan, jakija ŭžo majuć pastajannaje prava na žycharstva ŭ Estonii. Arenda žylla zastaniecca dazvolenaj.
U asobnych vypadkach urad zmoža davać vyklučeńni. Čakajecca, što ŭpłyŭ hetaha rašeńnia na rynak nieruchomaści budzie nievialiki. Pavodle raźlikaŭ, abmiežavańni mahli b zakranuć kala 600 ździełak u hod.
Kali zakon budzie pryniaty estonskim parłamientam, płanujecca ŭvieści ŭ dziejańnie z 1 studzienia 2027 hoda.
Estoniec vykraŭ u svajoj byłoj žonki-biełaruski dačku. Prapahanda paprakaje: nie treba było rabić dziciaci estonski pašpart
Rasija zakryła čyhunačnyja punkty propusku na miežach ź Finlandyjaj, Estonijaj i Łatvijaj. Pryčyna i namier pakul niajasnyja
Jak doŭha treba źbirać na kvateru ŭ nas i ŭ inšych krainach Jeŭropy — Biełaruś na adnym uzroŭni z Polščaj
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary