Na biełaruskuju pierakłali dziońniki pra nacysckuju Hiermaniju Viktara Klempierera
Vydaviectva «Vilma» vydała pierakład na biełaruskuju movu knihi niamieckaha prafiesara Viktara Klempierera «LTI — natatki fiłołaha» — dziońnikaŭ, jakija aŭtar vioŭ padčas panavańnia nacyzmu, piša Bellit.info
Kniha nieŭzabavie źjavicca ŭ prodažy na Kniger.by.
Viktar Klempierer — niamiecki prafiesar ramanskaj fiłałohii, vykładčyk, daśledčyk francuzskaj litaratury 18 st., žurnalist. U 1930‑ia hady nacysty pazbavili jaho mahčymaści čytać lekcyi, drukavacca, naviedvać biblijateki. U takich umovach jon praciahvaŭ pracavać, a taksama pačaŭ vieści dziońnik.
Ad vysyłki ŭ kancłahier Viktara Klempierera ŭratavała «aryjskaje pachodžańnie» žonki, pijanistki i mastački Jevy Šlemier. U 1940 hodzie siamju prymusili pierasialicca ŭ dom-hieta, tak zvany habrejski dom. U kancy vajny, kali pryvilei dła «źmiašanych šlubaŭ» pierastali dziejničać, pad pahrozaj adpraŭki ŭ kancłahier siamja źbiehła ad pieraśledu i chavałasia ŭ vioscy.
Jak piša sam Viktar Klempierer, jahonyja natatki pra movu Treciaha rajcha ratavali jahony maralny duch padčas ŭsiaho pieryjadu panavańnia nacyzmu. Naźbiranyja ŭ dziońnikach nazirańni i razvahi stali padmurkam dla vydańnia knihi «LTI — natatki fiłołaha» ŭ 1947 hodzie.
Paśla vajny Viktar Klempierer pracavaŭ u HDR. Pražyŭ da 1960 hodu.
U 1995 hodzie ŭ Miunchienskim univiersitecie Viktaru Klempiereru paśmiarotna ŭručyli litaraturnuju premiju imia antyfašystaŭ Hansa i Safi Šol za dziońniki, jakija źjaŭlajucca važnym dakumientam pakutaŭ habrejskaha naroda pry nacyskim režymie.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary