Taŭščynioju ŭsiaho 1,8 milimietra, a kulu spyniaje. U čym sakret?
Navukoŭcy stvaryli kulenieprabivalny materyjał, u try razy macniejšy za kieŭłar.
Jašče ŭ 1960‑ch navukoŭcy raspracavali vysokatryvały palimier ź siamiejstva poliamidaŭ. Mienavita jon staŭ asnovaj dla stvareńnia materyjału, viadomaha va ŭsim śviecie jak kieŭłar. Struktura palimieru ŭjaŭlaje saboj sietku z doŭhich i vielmi tryvałych malekularnych łancužkoŭ. Kali kula traplaje ŭ takuju sietku, jana «łović» jaje i raśsiejvaje enierhiju ŭdaru pa ŭsioj svajoj pavierchni.
Ale ŭ kieŭłaru jość słabaje miesca. Pad uździejańniem ekstremalnaj siły malekularnyja łancužki, ź jakich składajecca materyjał, pačynajuć «raspaŭzacca», što źnižaje jaho tryvałaść i abmiažoŭvaje achoŭnyja ŭłaścivaści.
Jak paviedamlaje New Scientist, kitajskija navukoŭcy šeść hadoŭ šukali sposab vyrašyć hetuju prablemu. I rašeńnie znajšłosia ŭ śviecie nanatechnałohij. Jany vyrašyli dadać u strukturu aramidnych vałoknaŭ (padobnych da tych, što ŭ kieŭłary) vuhlarodnyja nanatrubki.
Hetyja mikraskapičnyja trubki, jakija ŭ tysiačy razoŭ tančejšyja za čałaviečy vołas, pry hetym niejmavierna tryvałyja. U novym materyjale jany pracujuć jak mikraskapičny karkas, vyraŭnoŭvajučy malekuły asnoŭnaha vałakna i nie dajučy im «raspaŭzacca» navat pry mahutnym udary.
A sheet of fabric that is three times stronger than Kevlar could stop a bullet despite being just 1.8 millimetres thick, thanks to the addition of carbon nanotubes that keep its molecules aligned https://t.co/rT1Qhmkf0O
Vyniki vyprabavańniaŭ pakazali: kab spynić standartnuju kulu, jakaja lacić z chutkaściu 300 m/s, dastatkova ŭsiaho 1,8 mm novaj tkaniny (try płasty). Dla paraŭnańnia, kieŭłaru dla taho samaha spatrebicca płast nie mienš za 4 mm.
Navat adzin płast novaj tkaniny 0,6 mm utoŭščki zdolny źnizić chutkaść kuli z 300 m/s da 220 m/s.
Pakul što materyjał nosić składanuju navukovuju nazvu «kampazit z vuhlarodnych nanatrubak i hieteracykličnaha aramidu», ale vynachodniki abiacajuć prydumać jamu bolš hučnaje imia.
Ekśpierty adznačajuć, što novuju technałohiju možna lohka intehravać u isnujučyja pramysłovyja pracesy. Heta robić jaje vielmi pierśpiektyŭnaj dla chutkaha i masavaha ŭkaranieńnia nie tolki ŭ vytvorčaść bolš lohkich i tonkich broniekamizelek, ale i dla ŭmacavańnia brani aŭtamabilaŭ, viertalotaŭ i samalotaŭ.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj8
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary