Навука і тэхналогіі88

Таўшчынёю ўсяго 1,8 міліметра, а кулю спыняе. У чым сакрэт?

Навукоўцы стварылі куленепрабівальны матэрыял, у тры разы мацнейшы за кеўлар.

Ілюстрацыйны здымак. Крыніца: Vecteezy.com

Яшчэ ў 1960‑х навукоўцы распрацавалі высокатрывалы палімер з сямейства поліамідаў. Менавіта ён стаў асновай для стварэння матэрыялу, вядомага ва ўсім свеце як кеўлар. Структура палімеру ўяўляе сабой сетку з доўгіх і вельмі трывалых малекулярных ланцужкоў. Калі куля трапляе ў такую сетку, яна «ловіць» яе і рассейвае энергію ўдару па ўсёй сваёй паверхні.

Але ў кеўлару ёсць слабае месца. Пад уздзеяннем экстрэмальнай сілы малекулярныя ланцужкі, з якіх складаецца матэрыял, пачынаюць «распаўзацца», што зніжае яго трываласць і абмяжоўвае ахоўныя ўласцівасці.

Як паведамляе New Scientist, кітайскія навукоўцы шэсць гадоў шукалі спосаб вырашыць гэтую праблему. І рашэнне знайшлося ў свеце нанатэхналогій. Яны вырашылі дадаць у структуру арамідных валокнаў (падобных да тых, што ў кеўлары) вугляродныя нанатрубкі.

Гэтыя мікраскапічныя трубкі, якія ў тысячы разоў танчэйшыя за чалавечы волас, пры гэтым неймаверна трывалыя. У новым матэрыяле яны працуюць як мікраскапічны каркас, выраўноўваючы малекулы асноўнага валакна і не даючы ім «распаўзацца» нават пры магутным удары.

Вынікі выпрабаванняў паказалі: каб спыніць стандартную кулю, якая ляціць з хуткасцю 300 м/с, дастаткова ўсяго 1,8 мм новай тканіны (тры пласты). Для параўнання, кеўлару для таго самага спатрэбіцца пласт не менш за 4 мм.

Нават адзін пласт новай тканіны 0,6 мм утоўшчкі здольны знізіць хуткасць кулі з 300 м/с да 220 м/с.

Пакуль што матэрыял носіць складаную навуковую назву «кампазіт з вугляродных нанатрубак і гетэрацыклічнага араміду», але вынаходнікі абяцаюць прыдумаць яму больш гучнае імя.

Эксперты адзначаюць, што новую тэхналогію можна лёгка інтэграваць у існуючыя прамысловыя працэсы. Гэта робіць яе вельмі перспектыўнай для хуткага і масавага ўкаранення не толькі ў вытворчасць больш лёгкіх і тонкіх бронекамізэлек, але і для ўмацавання брані аўтамабіляў, верталётаў і самалётаў.

Каментары8

  • Б ім ме
    18.11.2025
    Прапаную назваць КЗВНІГА. Сучасна і, галоўнае, па-беларуску.
  • Ёсік
    18.11.2025
    Кулю спыніць, але які моцны ўдар атрымае шчасьлівы ўласьнік, якія наступствы будуць.
  • Барадзед
    18.11.2025
    Ёсік, поломанные ребра, травмы внутренних органов, огромные синяки.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

У Мінску ўжо паставілі першую ёлку5

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць