«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Kiraŭnik MZS Maksim Ryžankoŭ raskazaŭ, jak płanavałasia doŭhaje turne Łukašenki. I nazvaŭ jaho «žaleznym čałaviekam».
Alaksandr Łukašenka siońnia viarnuŭsia z zaciažnoha turne. Jon naviedaŭ Kyrhyzstan, Mjanmu, Ałžyr i dvojčy Aman. Pry hetym pieramovy ŭ apošniaj krainie vyhladali dziŭna i napaŭsakretna.
Ryžankoŭ raskazaŭ STB, što taki maršrut skłaści było składana. U tym liku z palityčnych pryčyn.
«Z čaho pačynać? Jak sumiaścić krainy? Heta vielmi składanaje pytańnie. Pytańnie vielmi składanaje i dla pratakoła (pratakolnaj častki), i ŭ palityčnym płanie. Vy absalutna majecie racyju, kali kazali, što dla niekatorych krain maje značeńnie, kali ty pryjazdžaješ u rehijon — kudy pajedzieš pieršym.
Niekatoryja pretendujuć, kab jechali tolki da ich. Inšyja krainy, u jakich, moža być, dačynieńni nie vielmi dobryja pamiž saboj z tymi krainami, kudy my jedziem, taksama nie vielmi chacieli b, kab my prylatali da ich ź niepryjaznaj krainy albo adlatali ad ich u niepryjaznuju krainu», — adznačyŭ Ryžankoŭ.
Ale jašče adzin važny momant — heta zdaroŭje 71‑hadovaha palityka. MZS ciapier vymušany adšturchoŭvacca i ad hetaha pytańnia. Ryžankoŭ z hetaj nahody paraŭnaŭ Łukašenku z hierojem suśvietu Marvel Žaleznym čałaviekam.
«My ž razumiejem, što naš prezident choć i žalezny, ale jon usio roŭna čałaviek. Tamu nam treba vykanać jašče minimalnyja rečy, źviazanyja ź niejkim nievialikim adpačynkam dla jaho, kab časavyja pajasy nie byli zanadta dramatyčnyja dla zdaroŭja. Kab była mahčymaść padrychtavacca da kožnaj sustrečy, kab nie było vialikaj roźnicy ŭ klimatyčnych niejkich rečach», — padzialiŭsia Ryžankoŭ.
Kiraŭnik MZS dadaŭ, što ŭ turne płanavalisia jašče niekalki krain. Nazyvać jon ich nie staŭ, ale adznačyŭ, što ich pieranieśli na pieršy kvartał nastupnaha hoda.
Ciapier čytajuć
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4545
Kamientary