U vydaviectvie Gutenberg Publisher vyjšła admysłovaja kniha dla samych maleńkich «Bobryk, jaki lubić vadu» — knižka-cacka, ź jakoj možna kupacca. Vierš napisaŭ Andrej Skurko, a prydumała historyju i prailustravała Daryna Charytončyk, piša bellit.info.
«Bobryk, jaki lubić vadu» — karotkaja miłaja historyja pra zubastaha bobryka i jaho siabroŭ buślika i vydru, jakija baviacca ŭ race. Bo vada — najlepšaja zabava: možna kupacca, pluchacca, hladzieć na rybak, a ciapier — jašče i čytać u vadzie knižku!» — havorycca ŭ apisańni da knižki.
«Akiej, vy nie lubicie, kali niechta nazyvajecca pieršym u niejkaj temie — ale takoj knižki pa-biełarusku sapraŭdy jašče nie vypuskali!» — kamientujuć vychad navinki vydaŭcy ŭ sacsietkach i dadajuć, što ŭ Ńju-Jorku ŭ kramie @litarkabooks knižka ŭžo pradajecca, a ŭ Polšču tolki-tolki prypłyła i pakul budzie iści mytnaje afarmleńnie, na sajcie gutenbergpublisher.eu dziejničaje śpiecyjalnaja cana.
U vydaviectvie taksama patłumačyli, što ideja vypuścić takuju knižku naležyć biełaruscy Marynesa Złučanych Štataŭ, a vydaviectva Gutenberg Publisher dapamahło realizavać prajekt.
Kamientary