Dziaŭčyna kupiła biełaruski kamambier, a jon na talercy raścioksia. Vytvorca adkazaŭ
Biełaruski vytvorca syru «Berger» prakamientavaŭ šum vakoł niezvyčajnaj kansistencyi kamambiera.
Karystalnica tyktoku paskardziłasia na zanadta vadkaje źmieściva syru. Syr vyhladaje nie vielmi zvyčajna.
Adnak śpiecyjalisty Vilejskaha vytvorčaha ŭčastka AAT «Minski małočny zavod №1» zapeŭnili, što takaja tekstura źjaŭlajecca prykmietaj idealna paśpiełaha praduktu, a nie techničnym brakam.
Pavodle tłumačeńniaŭ technołahaŭ, kamambier — heta «žyvy» syr, jaki praciahvaje źmianiacca navat paśla zapakoŭki. Pad uździejańniem fiermientaŭ biełaj ćvili jaho struktura pastupova raźmiakčajecca, stanovicca ciakučaj, a smak nabyvaje asablivuju intensiŭnaść.
Śpiecyjalisty adznačajuć, što na 30‑45 sutki paśla vytvorčaści skarynka ŭ spałučeńni ź viazkaj, amal vadkaj siaredzinaj ličycca etałonam jakaści dla amataraŭ hetaha hatunku.
Tym ža, chto addaje pieravahu bolš ćviordamu syru, vytvorca paraiŭ vybirać pradukt z bolš rańnim terminam prydatnaści.
Kamientary