У Аўстраліі спатрэбілася 11 чалавек, каб пачысціць зубы аднаму кракадзілу
Каб пачысціць і палячыць зубы аднаму кракадзілу, спатрэбілася адразу 11 чалавек. Гаворка ідзе пра Элвіса — вялізнага марскога кракадзіла даўжынёй амаль пяць метраў, які лічыцца самым небяспечным жыхаром Аўстралійскага парку рэптылій у Сомерсбі. У яго выявілі інфекцыю сківіцы, якая без лячэння магла прывесці да смерці, піша Bild.
Кіраўніцтва парку прызнала, што гэтая працэдура стала самай рызыкоўнай за ўсю гісторыю ўстановы.
На працягу некалькіх тыдняў даглядчыкі і ветэрынары рыхтаваліся і дакладна прадумвалі кожны крок. У прызначаны момант трое дасведчаных супрацоўнікаў завабілі Элвіса кормам, пасля чаго замацавалі вяроўку на ягонай верхняй сківіцы.
Кракадзіл моцна супраціўляўся, і толькі пасля ўвядзення заспакаяльных прэпаратаў удалося зрабіць яму рэнтген і агледзець пашкоджанні.
Аказалася, што стан зубоў не такі цяжкі, як баяліся спецыялісты. Замест выдалення зубоў яны заняліся лячэннем запаленых участкаў. Пашкоджаныя зубы з часам выпадуць самі, а на іх месцы вырастуць новыя. Прыблізна праз паўтара—два гады ў Элвіса зноў будзе поўны і здаровы камплект зубоў.
Пасля ўсіх працэдур кракадзіла без ніякай шкоды для жывёліны вярнулі ў вальер. Ягоны стан стабільны, і на гэты момант «візіт да стаматолага» лічыцца паспяхова завершаным.
У гамельчука жыў кракадзіл, а цяпер ён мае расліну, якой больш няма ў дзікай прыродзе
Спаборніцтвы па веславанні на Алімпіядзе-2032 хочуць правесці на рацэ, дзе жывуць кракадзілы
У Аўстраліі памёр кракадзіл Бёрт — зорка культавага ў 1980‑я фільма «Дандзі па мянушцы «Кракадзіл»
Поп-ідал Лана Дэль Рэй выйшла замуж за гіда па кракадзілах
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары