З 1 сакавіка амаль усю тэхніку ў Беларусі возьмуць пад кантроль
У Беларусі з пачатку вясны пашыраецца пералік тавараў, якія будуць падлягаць адсочванню, паведамілі БелТА ў інспекцыі Міністэрства падаткаў і збораў Мінска.
Так, з 1 сакавіка 2026 года адсочванню будуць падлягаць бытавыя пральныя машыны і тэлевізары (як новыя, так і былыя ва ўжыванні), а таксама пыласмокі, бытавыя робаты-пыласмокі, электрычныя прасы, бытавыя кухонныя камбайны, бытавыя посудамыйныя машыны, электрычныя чайнікі, электрычныя мультываркі, мікрахвалевыя печы, бытавыя электрычныя пліты (варачныя панэлі), электрычныя дрылі, фены для валасоў.
На гэты момант гэтаму падлягаюць толькі халадзільнікі, маразільнікі (як новыя, так і былыя ва ўжыванні), а таксама шыны, пакрышкі і велатавары.
У суб’ектаў гаспадарання, якія ажыццяўляюць абарот тавараў, што падлягаюць кантролю, узнікаюць наступныя абавязкі: выкарыстоўваць электронныя накладныя, падаваць у праграмны комплекс «Сістэма кантролю тавараў» поўныя і дакладныя звесткі, весці колькасны ўлік тавараў у адзінках вымярэння, якія трэба пазначаць у электронных накладных.
«Арганізацыям, якія ажыццяўляюць аперацыі, звязаныя з абаротам тавараў, што падлягаюць кантролю, неабходна загадзя, а яшчэ лепш — неадкладна прыняць меры і забяспечыць гатоўнасць да выканання патрабаванняў заканадаўства ў сферы кантролю і выкарыстання электронных накладных», — адзначыла намесніца начальніка інспекцыі МПЗ па Мінску Вольга Тарасевіч.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам42
Каментары