Były kiraŭnik «Ukrenierha» zahinuŭ ad udaru toku. Jon naładžvaŭ sistemu paśla rasijskich udaraŭ
Alaksieju Brechtu było 47 hadoŭ.
Talenavity inžynier zahinuŭ 21 studzienia na Kijeŭščynie, kirujučy adnaŭleńniem adnaho z abjektaŭ paśla rasijskich udaraŭ. Jaho ŭdaryła elektryčnym tokam, piša Bi-bi-si — Ukraina.
Alaksiej Brecht kiravaŭ adnaŭleńniem enierhasietki paśla sotniaŭ udaraŭ, stvaraŭ kreatyŭnyja techničnyja rašeńni, jakija adradžali z popiełu vyklučalniki, transfarmatary i navat cełyja padstancyi. Tak Uładzimir Kudrycki, były kiraŭnik «Ukrenierha», uspaminaje svajho siabra i kalehu.
U 2024—2025 hadach Alaksiej Brecht uznačalvaŭ «Ukrenierha», a paśla hetaha adkazvaŭ za ekspłuatacyju i adnaŭleńnie sietki.
«Toje, što Alaksiej pajšoŭ z žyćcia, asabista kantralujučy ramontnyja raboty na abjektach krytyčnaj enierhietyčnaj infrastruktury, — trahičnaje, ale vielmi krasamoŭnaje śviedčańnie taho, jakoj jon byŭ asobaj. Jon ščyra vieryŭ, što lidarstva — heta asabistaja prysutnaść tam, dzie heta najbolš važna», — zajavili ŭ naziralnaj radzie «Ukrenierha».
«Jaho ŭniosak va ŭstojlivaść abjadnanaj enierhietyčnaj sistemy Ukrainy ciažka pieraacanić», — dadali ŭ Ministerstvie enierhietyki Ukrainy.
«Mienavita pad jaho kiraŭnictvam bryhady «Ukrenierha» navučylisia zamianiać mahistralnyja transfarmatary ŭ 4—6 razoŭ chutčej, čym apieratary jeŭrapiejskich enierhasistem, pracavać pad napružańniem 750 000 volt; mienavita pad jaho kiraŭnictvam byli raspracavanyja ŭkryćci dla transfarmataraŭ i padziemnych punktaŭ kiravańnia», — adznačyŭ Uładzimir Kudrycki.
Jon nazvaŭ Brechta «mozham «Ukrenierha», sutnaściu toj inžyniernaj kreatyŭnaści, dziakujučy jakoj ukrainskimi enierhietykami zachaplajecca ŭvieś śviet».
Jon nahadaŭ, što «Ukrenierha» atrymała dźvie premii Amierykanskaha instytuta Edysana, jakija źjaŭlajucca enierhietyčnym anałaham «Oskara» ŭ kiniematohrafie.
Były kiraŭnik «Naftahazu» Andrej Kobaleŭ raspavioŭ pra Alaksieja Brechta jak pra čałavieka, «jaki moh ź niemahčymaha zrabić mahčymaje» i dapamahaŭ «znajści rašeńni ŭ nadzvyčaj składanych situacyjach».
«Zahinuŭ dobry tavaryš, vydatny mieniedžar i fantastyčny inžynier. Značnaja častka tych inžyniernych rašeńniaŭ, jakija pad navałami maskavitaŭ dahetul dazvalajuć trymacca enierhietyčnaj sistemie Ukrainy, była narodžanaja Alaksiejem Brechtam abo pry jaho niepasrednym udziele», — raspavioŭ Alaksandr Charčanka, dyrektar Centra daśledavańniaŭ enierhietyki.
Ciapier čytajuć
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary
U padobnych umovach marazoŭ abstrełaŭ zachoŭvać śviatło ciapło na balšynioj terytoryi adnaŭlać heta ..Kvalifikacyja
Było paviedamleńnia ab śmierci 2 dzvuch mancieraŭ jakija sutkami adnaŭlali
Hieraičnaść mancieraŭ kiraŭnika uvohule trudavy Podźvih u dadzienym vypadku heta złačynstva maradziorstva ińšych
I dopusk,kstati,tožie.