Mukavozčyk nafantaziravaŭ svoj dyjałoh pa telefonie z Kaleśnikavaj. Nijakaj razmovy, naturalna, nie było
Prapahandyst Andrej Mukavozčyk u novaj kałoncy na sajcie «SB. Biełaruś siońnia» apublikavaŭ stenahramu telefonnaj razmovy z Maryjaj Kaleśnikavaj, jakaja nibyta pazvaniła jamu sama. U realnaści ŭsio heta akazałasia chvoraj fantazijaj.
Jak vyśvietliła «Naša Niva», Maryja Kaleśnikava nie telefanavała Andreju Mukavozčyku i nie źbirałasia hetaha rabić.
Dla hałoŭnaj haziety administracyi Łukašenki Mukavozčyk nafantazavaŭ, što vypuščanaja na svabodu z kałonii ŭ śniežni palitźniavolenaja Maryja Kaleśnikava nabrała jaho, kab pieradać: «Vy ž razumiejecie, što ja i my ŭsio adno vierniemsia? U drennym varyjancie — na «Leapardach», ale my ž chočam pa-dobramu».
Taksama Kaleśnikava «prapanavała» viarnuć u krainu niezaležnyja ŚMI i influjensieraŭ, jakija «nie buduć ustupać u kanfrantacyju z režymam», a taksama niekamiercyjnyja pryvatnyja arhanizacyi ŭzamien na jeŭrapiejskaje finansavańnie, jakoje budzie Biełarusi na karyść.
Usie hetyja prapanovy Mukavozčyk adchilaŭ: «My budziem vas bambić, bambić u infarmacyjnaj śfiery, pakul Ejsmant žyvy». Skončyŭ prapahandyst svaje vydumki brydotnaj frazaj: «Nie budzie ŭ vas novaha blickryhu, hienosie štuthartfiurar. Možacie zasunuć svaju dudačku ŭzad».
«Naša Niva» — bastyjon biełaruščyny
PADTRYMAĆCiapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary
"Prapahandyst Andrej Mukavozčyk u novaj kałoncy na sajcie «SB. Biełaruś siońnia» apublikavaŭ stenahramu telefonnaj razmovy z Maryjaj Kaleśnikavaj, jakaja nibyta pazvaniła jamu sama."