U Vialikabrytanii archieołahi znajšli pramysłovy centr časoŭ Rymskaj Impieryi
U Paŭnočnaj Anhlii archieołahi razam sa studentami i vałanciorami znajšli bolš za 800 vastrylnych kamianioŭ, jakija śviedčać pra isnavańnie raniej nieviadomaha pramysłovaha centra epochi Rymskaj Impieryi, piša The Guardian.
Znachodku zrabili kala horada Sanderlend. Kamiani pavinny byli vykarystoŭvacca sałdatami dla vastreńnia instrumientaŭ i zbroi. Usie znojdzienyja bruski byli paškodžanyja — idealnyja kamiani, mahčyma, vyvozili na prodaž.
Archieołahi ličać, što tut znachodziŭsia masavy centr vytvorčaści vastrylnaha kamieniu ź piasčanika, zdabytaha na bierazie raki Vir. Kamiani mahli transpartavacca pa race na sudnach i dalej raspaŭsiudžvacca pa Brytanskich astravach i na kantynient. Na karyść hetaj hipotezy śviedčyć znachodka 11 kamiennych jakaraŭ — najbolšaja kolkaść u paraŭnańni ź luboj inšaj stajankaj Paŭnočnaj Jeŭropy.
Kiraŭnik prajekta z Daremskaha ŭniviersiteta Hery Bienkchied adznačaje, što adkryćcio ŭpieršyniu stavić Sanderlend na kartu Rymskaj impieryi i źjaŭlajecca adnym z samych važnych archieałahičnych adkryćciaŭ u Paŭnočnaj Anhlii za apošnija sto hadoŭ.
Taksama hetaje miesca — pieršaje ŭ Vialikabrytanii, dzie metanakiravana zdabyvali parodu dla vytvorčaści vastrylnych kamianioŭ, što dapamoža lepš zrazumieć ekanomiku i pramysłovaść Rymskaj Brytanii.
U Jehipcie znajšli antyčnaje sudna, jakoje raniej bačyli tolki na mazaikach
Z Nacyjanalnaha muzieja ŭ Damasku skrali statui časoŭ Rymskaj impieryi
Rybak, jaki šukaŭ čarviakoŭ, vypadkova znajšoŭ adzin z najbujniejšych srebnych skarbaŭ Siaredniaviečča
U Jehipcie paśla dvaccaci hadoŭ budaŭnictva adkryli najbujniejšy muziej śvietu
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni4
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»23
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
Vialiki frahmient toj ściany zachavaŭsia dasiul, kala 3 mili. Vysata jaho ciapier niejdzie 1 mietar, i šyryni toj niama, a farty tyja bačny tolki padmurkami. Da taho miesca voziać naviedvalnikaŭ, i ja pabyvaŭ tam, jašče ŭ junačym uzroście...
Što cikava, ziemli tam daŭno fiermierskija, spadčynnyja, staryja, a ŭsie haspadarčyja pabudovy, i navat aharodžy, vykananyja z kamiania toj ściany...:))
To bok, tamtejšyja, ciaham doŭhaha času, prosta raściahali tuju ścianu pa kamienčyku, uładkoŭvajučy svaje sialiby dy aŭčarni...:))
Nu, dyk jakaja vysnova ? Zrazumieła ž, u rymski čas tam byŭ pramysłovy center, dzie i ciasali toje kamiennie, inakš jak by rymlianie pabudavali b tuju abarončuju ścianu ? A dzie rabili takuju spravu, tam i samyja roznyja pryłady pad jaje vyrabliali, niešta i vastryć patrabavalasia adpaviedna... Čamu heta siensacyja ? U čym adkryccio ? Čamu "ypieršyniu stavić Sanderlend na kartu Rymskaj impieryi" ? Čamu niekaha dzivić toj fakt, što tam "metanakiravana zdabyvali parodu dla vytvorčaści vastrylnych kamianioŭ" ?