Adnu z papularnych minskich burhiernych BurgerLab vystavili na prodaž. Jak vynikaje z infarmacyi na sajcie b4y.by, havorka idzie ab ustanovie, raźmieščanaj na vulicy Kamsamolskaj, 12.
Restaran pradajecca jak hatovy biznes i prosiać za jaho krychu bolš za 223,3 tys. rubloŭ, ci $75 tys.
Da prodažu prapanujecca całkam funkcyjanujučy restaran u adnoj z samych zapatrabavanych łakacyj horada — u turystyčnym centry pobač ź Niamihaj z pastajannym vysokim piešachodnym patokam», — havorycca ŭ abjavie.
Płošča ŭstanovy — 298,7 kv. m. Ź plusaŭ, akramia łakacyi, ułasny ŭnutrany dvoryk, što źjaŭlajecca redkaściu dla centra horada, a taksama najaŭnaść usiaho nieabchodnaha abstalavańnia i mebli.
U abjavie taksama skazana, što novy ŭładalnik zmoža jak zachavać raniejšy farmat, tak i realizavać novuju kancepcyju. Płaniroŭka ŭstanovy padychodzić pad luby kancept — restaran, kafe, bistro ci hastrabar.
Darečy, u Minsku heta nie adziny BurgerLab. Anałahičnaja ŭstanova pracuje taksama na «tusovačnaj» vulicy Kastryčnickaj.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary