Na Homielščynie pačałasia padrychtoŭka da adnaŭleńnia šlachieckaj siadziby
Abjekty, jakija sioleta płanujuć adrestaŭravać na Homielščynie za košt srodkaŭ subotnikaŭ, upieršyniu za apošnija hady nie majuć dačynieńnia da «patryjatyčnaha vychavańnia» i Druhoj suśvietnaj vajny. Heta siadziba ŭ vioscy Chalč Vietkaŭskaha rajona i flihiel siadziby Kozieł-Pakleŭskich u Krasnym Bierazie Žłobinskaha rajona, piša «Fłahštok».
Apošni abjekt uklučany ŭ turystyčny maršrut «Załatoje kalco Homielščyny». Pa ŭspaminach miascovych žycharoŭ, u kuchni flihiela asobna raźmiaščałasia i piakarnia. Nad kuchniaj žyŭ akanom siadziby. Na druhim paviersie byli pryjomnaja, sam kabiniet, haścioŭnia i spalnia kiraŭnika. Tut pry restaŭracyi płanujecca ŭznavić funkcyjanał i atmaśfieru pamiaškańniaŭ flihiela.
Pieršym abvieščany tendar mienavita pa hetym abjekcie. Pasłuha pa raspracoŭcy pieradprajektnaj dakumientacyi na ramontna-restaŭracyjnyja raboty ŭ flihieli siadziby Kozieł-Pakleŭskich u Krasnym Bierazie pavinna być vykanana da kanca červienia 2026 hodu.
Koštu rabot pakul niama, zatoje ŭ dakumientacyi tendara jość archiŭnyja zdymki, pavodle jakich, vierahodna, buduć imknucca ŭznavić interjery.
U vioscy Chalč siadzibna-parkavy kompleks Vojnič-Sienažeckich kanca XVIII — pačatku XIX stahodździa zajmaje ŭčastak u 1 hiektar. Na hetaj terytoryi znachodziacca budynak samoha pałaca-siadziby, pomnik zahinułym voinam, dva masivy zialonych nasadžeńniaŭ. Apošniaja restaŭracyja pałaca pravodziłasia ŭ kancy 1970‑ch hadoŭ. Paśla restaŭracyi ŭ budynku buduć raźmieščanyja ekspazicyi, pryśviečanyja historyi vioski i jaho ŭładalnikam.
Jakija histaryčnyja abjekty ŭ Minsku adrestaŭrujuć u nastupnyja hady
Adnavili most tam, dzie jaho nie mahło być, bo nie zmahli znajści jaho realnaje miesca. Što za restaŭracyja adbyvajecca ŭ Žyličach?
U Ružanach archieołahi znajšli frahmienty padmurka budynka časoŭ Lva Sapiehi
Ci achviaravać svaimi kroŭnymi dla prajekta kulturnaha adpačynku pa-salechardsku? Pra turkompleks u Kraskach
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ99
Kamientary