21 lutaha ŭ Parku žyvioł «Dypryz» pad Baranavičami ŭstanavili kulinarny rekord Biełarusi — tam pryhatavali samy vialiki blin u krainie. Dyjamietr hihanckaha blina skłaŭ try mietry, piša rasijskaje vydańnie Sputnik.
Kab dasiahnuć takoha vyniku, kuchary treniravalisia kala dziesiaci dzion. Dla ciesta vykarystali vialikija abjomy praduktaŭ: 9 litraŭ małaka, 30 jajek, 5,5 kiłahrama muki, 2 litry raślinnaha aleju, 300 hramaŭ soli i 800 hramaŭ cukru.
Praces hatavańnia byŭ niaprosty. Spačatku vielizarnuju patelniu 20 chvilin raspalvali na vuhollach, pasypaŭšy jaje sollu. Paśla sol prybrali, pavierchniu zmazali alejem i tolki tady vylili ciesta, raŭnamierna raźmierkavaŭšy jaho pa ŭsioj patelni.
Za hatavańniem stravy sačyli mnohija hledačy, ale najbolš chvalavalisia sami kuchary — jany nie adychodzili ad blina kala hadziny.
Kali adzin bok padrumianiŭsia, prysutnyja vyrašyli hałasavańniem, ci treba pieravaročvać blin. Bolšaść adkazała stanoŭča, i tady kamanda z dapamohaj vialikaj kačałki aściarožna pieraviarnuła jaho, kab jon prapioksia z druhoha boku.
Paśla zaviaršeńnia hatavańnia pradstaŭnik prajekta «Kniha rekordaŭ Biełarusi» ŭručyŭ siertyfikat, jaki paćviardžaje nacyjanalny rekord. Jon adznačyŭ, što heta aficyjna samy vialiki blin u krainie.
Paspytać śviatočnuju stravu mahli ŭsie hości. Akramia hetaha, u parku prajšli majstar-kłasy, dehustacyi i konkursy dla dziaciej i darosłych. Śviata zaviaršyłasia tradycyjnym spalvańniem maśleničnaha čučała.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca5
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary