45‑hadovaja žančyna sprabavała ŭbierahčy siabie ad kryminalnaha pieraśledu, jakoha na samaj spravie nie isnavała, paviedamlaje telehram-kanał «Milicyja Minska».
Usio pačałosia sa zvanka łžesupracoŭnika słužby damafonaŭ. Mužčyna pad markaj zamieny abstalavańnia pasprabavaŭ vyśvietlić u paciarpiełaj asabistyja danyja. Adnak žančynu naściarožyŭ zamiežny numar, i jana admoviłasia praciahvać razmovu.
Nieŭzabavie minčancy patelefanavaŭ nibyta pravaachoŭnik. Jon zajaviŭ, što na jaje numar ustalavanaja pieraadrasacyja, i pierakanaŭ pradyktavać kod z SMS. Dalej surazmoŭca paviedamiŭ, što na imia žančyny ŭžo aformlenyja try kredyty na ahulnuju sumu 40 tys. rubloŭ, a machlary aktyŭna pravodziać niezakonnyja finansavyja apieracyi ad jaje imia.
Kab paźbiehnuć kryminalnaha pieraśledu i vobšuku ŭ kvatery, paciarpiełaj parekamiendavali nieadkładna ŭziać «lustrany» kredyt. Zapanikavaŭšy, minčanka vykanała zahady afierystaŭ.
Jana aformiła pazyku i za 17 razoŭ pieraviała ŭsie hrošy — 40 tys. rubloŭ — na padkantrolnyja złamyśnikam rachunki.
Tolki na nastupny dzień, praanalizavaŭšy toje, što adbyłosia, jana zrazumieła, što jaje padmanuli.
Ciapier čytajuć
Darafiejeva zachaplajecca Hrecyjaj, a Lebiedzieva łaščyć kapibar u Tajłandzie. Dzie adpačyvajuć łukašenkaŭskija zorki?2
Darafiejeva zachaplajecca Hrecyjaj, a Lebiedzieva łaščyć kapibar u Tajłandzie. Dzie adpačyvajuć łukašenkaŭskija zorki?
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary