Usiaho za dvoje sutak taŭščynia lodu na vadajomach skaraciłasia z 50 da 30 sm. Minskaja haradskaja arhanizacyja Tavarystva vyratavańnia na vodach papiaredziła, što z-za adlihi vychodzić na lod užo nie varta, a taksama nazvała samyja niebiaśpiečnyja vadajomy stalicy i pryharada.
Dalej sinoptyki abiacajuć ustojlivy «plus», a značyć, lod praciahnie imkliva hublać tryvałaść.
«Vyratavalniki zaklikajuć žycharoŭ być asabliva aściarožnymi, ustrymlivacca ad vychadu na lod i ŭvažliva sačyć za źmienami nadvorja», — raspaviała pradstaŭnica Minskaj haradskoj arhanizacyi Tavarystva vyratavańnia na vodach Hanna Novikava.
Vyratavalniki nahadvajuć, što ŭ adlihu vychad na lod — nieapraŭdanaja ryzyka, navat kali pokryva vizualna zdajecca tryvałym. «Rybałka, prahułki, katańnie na kańkach — usio heta ciapier śmiarotna niebiaśpiečna», — źviartaje ŭvahu tavarystva
— Vadajomy z samaj niebiaśpiečnaj situacyjaj — Kamsamolskaje voziera, vadaschovišča Drazdy, vadaschovišča Krynica, Cnianskaje vadaschovišča, Minskaje mora, — raspaviała Onliner Hanna Novikava.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty27
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)77
Kamientary