ES vykazaŭ zakłapočanaść i zaklikaŭ prajavić strymanaść paśla pačatku vajennych dziejańniaŭ u Iranie
Jeŭrasajuz vykazvaje zakłapočanaść padziejami ŭ Iranie i zaklikaje baki kanfliktu prajaŭlać strymanaść. Pra heta havorycca ŭ sumiesnaj zajavie staršyni Jeŭrapiejskaha savieta Antoniu Košty i kiraŭnicy Jeŭrapiejskaj kamisii Ursuły fon der Lajen.
«Padziei ŭ Iranie vyklikajuć surjoznuju zakłapočanaść. My padtrymlivajem ciesny kantakt z našymi partniorami ŭ rehijonie.
My paćviardžajem našu niepachisnuju prychilnaść zabieśpiačeńniu rehijanalnaj biaśpieki i stabilnaści.
Zabieśpiačeńnie jadziernaj biaśpieki i praduchileńnie lubych dziejańniaŭ, jakija mohuć pryvieści da dalejšaj eskałacyi napružanaści abo padarvać hłabalny režym nieraspaŭsiudžvańnia, maje krytyčna važnaje značeńnie.
My zaklikajem usie baki prajaŭlać maksimalnuju strymanaść, abaraniać hramadzianskaje nasielnictva i ŭ poŭnaj miery vykonvać mižnarodnaje prava», — havorycca ŭ sumiesnym zvarocie.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary