Šviecyja zatrymała ŭ Bałtyjskim mory hruzavoje sudna, jakoje išło ŭ Pieciarburh pad ściaham Hviniei
Z 11 členaŭ ekipaža sudna 10 majuć rasijskaje hramadzianstva.
Šviecyja zatrymała hruzavoje sudna ŭ Bałtyjskim mory, jakoje pad ściaham Hviniei išło ŭ Sankt-Pieciarburh, paviedamlaje vydańnie SVT.
Bierahavaja achova paviedamlaje, što jana ŭziała pad kantrol sudna Caffa ŭ piatnicu a 15:50 kala horada Treleborh. Havorka idzie pra spłanavanuju apieracyju sumiesna z palicejskaj avijacyjaj i nacyjanalnym atradam śpiecyjalnaha pryznačeńnia.
Sudna znachodzicca ŭ sankcyjnym śpisie Ukrainy. Pavodle źviestak ukrainskich uładaŭ, jano było datyčnaje da kradziažu zbožža z Kryma.
Sudna chodzić pad ściaham Hviniei, adnak status ściaha, pavodle źviestak bierahavoj achovy, zastajecca niajasnym.
«Šviecyja jak dziaržava maje paŭnamoctvy ŭmiašacca ŭ hetym vypadku suprać sudna, čyj status ściaha ŭ vyšejšaj stupieni niezrazumieły; my razhladajem jaho jak sudna pad iłžyvym ściaham», — kaža Macijas Lindcholm, kiraŭnik pres-słužby bierahavoj achovy.
Sudna było zahružana zbožžam, i, pavodle źviestak z samoha karabla, nakiroŭvałasia ŭ Sankt-Pieciarburh.
Bierahavaja achova pačała papiaredniaje rasśledavańnie pa padazreńni ŭ parušeńni marskoha prava ŭ suviazi ź nieadpaviednaściu patrabavańniam marachodnaści. Apieracyja praciahvajecca ŭ mory.
Zatrymańnie sudna prakamientavali ŭ pasolstvie Rasii ŭ Šviecyi:
«Pavodle paviedamleńnia bierahavoj achovy Šviecyi, atrymanaha 7 sakavika, z 11 členaŭ ekipaža sudna 10 majuć rasijskaje hramadzianstva. Šviedski bok zapeŭnivaje, što abstanoŭka na sudnie spakojnaja».
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary