Biełarusu trapilisia dziŭnyja 100 dalaraŭ. Bank paćvierdziŭ sapraŭdnaść kupiury, ale nie pryniaŭ
Alaksandr dasłaŭ u redakcyju Onliner.by fota niezvyčajnaj 100‑dalaravaj kupiury — ź jaho słoŭ, jon sprabavaŭ zdać banknotu ŭ abmieńnik, ale nie atrymałasia.
Pavodle słoŭ Alaksandra, kupiuru jon kaliści atrymaŭ u Biełarusi, a ciapier sprabavaŭ pakłaści jaje na rachunak, ale ŭ abmieńniku admovilisia jaje prymać. Tady jon zadumaŭsia, ci moža banknota zacikavić kalekcyjanieraŭ.
— Bank paćvierdziŭ sapraŭdnaść, ale nie pryniaŭ z-za taho, što nižni kraj abrezany niapravilna, — śćviardžaje mužčyna.
Žurnalisty paprasili numizmata acanić banknotu. Pavodle jaho słoŭ, nižni kraj sapraŭdy abrezany, ale heta nie brak druku — chutčej za ŭsio, padčas rezki listy krychu zrušylisia.
— Ja nikoli nie čuŭ, kab hety defiekt byŭ cikavym. A kali b byŭ, to na rynku było b šmat padrobak, bo abrezać u chatnich umovach nieskładana, — miarkuje ekśpiert.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary