Astranomy adkryli 20 novych spadarožnikaŭ Saturna, dziakujučy čamu hety hazavy hihant staŭ rekardsmienam u Soniečnaj sistemie pa kolkaści viadomych spadarožnikaŭ (raniej heta byŭ Jupitar). Imiony dla novych abjektaŭ moža prapanavać luby žadajučy, sami spadarožniki pavinny być nazvanyja ŭ honar hihantaŭ z skandynaŭskaj, halskaj abo inuickaj mifałohii, paviedamlajecca na sajcie Instytuta Karniehi.
Da niadaŭniaha času Jupitar byŭ rekardsmienam pa kolkaści viadomych spadarožnikaŭ u Soniečnaj sistemie — u jaho adkryta 79 spadarožnikaŭ. Druhoje miesca zajmaŭ Saturn z 62 spadarožnikami, dalej išli ledzianyja hihanty Uran (27), Niaptun (14) i karlikavaja płanieta Płuton (5). Krychu bolš za dziesiać cieł Soniečnaj Sistemy vałodajuć dvuma spadarožnikami, a adnym — bolš za sotniu abjektaŭ.
7 kastryčnika 2019 hoda kalektyŭ astranomaŭ na čale sa Skotam Šepardam (Scott S. Sheppard) paviedamiŭ ab vyjaŭleńni 20 novych spadarožnikaŭ, jakija kruciacca vakoł Saturna, što pavialičvaje ich ahulnuju kolkaść da 82, tym samym robiačy Saturn rekardsmienam pa kolkaści spadarožnikaŭ. Nazirańni pravodzilisia pry dapamozie naziemnaha 8-mietrovaha teleskopa «Subaru». Dyjamietr kožnaha z novaadkrytych spadarožnikaŭ nie pieravyšaje piaci kiłamietraŭ, siamnaccać ź ich majuć retrahradny charaktar ruchu pa arbicie (napramak ruchu nie supadaje z kirunkam kručeńnia Saturna), a jašče troje ruchajucca ŭ prahradnym kirunku.
Paśla abjavy ab adkryćci Instytut Karniehi zapuściŭ konkurs na lepšyja imiony dla novaadkrytych spadarožnikaŭ, u jakim moža pryniać udzieł luby žadajučy. Konkurs praciahniecca da 6 śniežnia 2019 hoda, jaho praviły apublikavanyja ŭ adkrytym dostupie. Spadarožniki pavinny być nazvanyja ŭ honar hihantaŭ z skandynaŭskaj, halskaj abo inuickaj mifałohii, u zaležnaści ad taho, da jakoj hrupy jany naležać.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach6
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary