П'яны мінчук кідаўся з нажом і каменем на мінака, які зрабіў таму заўвагу за непрыстойныя паводзіны
Неяк па абедзе мінчук разам з жонкай ішоў ў краму. Каля дзіцячай пляцоўкі на бульвары Шаўчэнкі ён убачыў, як мужчына спраўляў натуральную патрэбу на вачах у дзяцей.
Мужчына зрабіў заўвагу, аднак хуліган груба яму адказаў. Было відавочна, што той знаходзіўся ў стане моцнага алкагольнага ап’янення, пішуць Мінск-навіны.
Праз некаторы час мінчук зноў убачыў таго ж мужчыну — зламыснік сядзеў на прыступках ламбарда. Заўважыўшы сямейную пару, ён падышоў да іх і пачаў канфлікт з-за ранейшай заўвагі, а пасля дастаў з кішэні нож і, выказваючы розныя пагрозы, некалькі разоў паспрабаваў ударыць мужчыну, але таму ўдалося ўхіліцца. Жонка выклікала міліцыю.
Пачуўшы гэта, хуліган кінуў нож і падняў з зямлі камень, якім замахнуўся ў бок мужчыны, пасля чаго паспешліва сышоў.
Падазраванага затрымалі, завялі крымінальную справу. Віну ў інкрымінаваным злачынстве ён прызнаў часткова.
— Абвінавачаны жанаты, нідзе афіцыйна не быў працаўладкаваны, раней ужо меў праблемы з законам, — пракаментаваў старшы памочнік пракурора Першамайскага раёна Мікіта Грыцэвіч.
— Суд прызнаў яго вінаватым у здзяйсненні злачынства, прадугледжанага ч. 3 арт. 339 КК (асабліва злоснае хуліганства), і прызначыў пакаранне ў выглядзе трох гадоў пазбаўлення волі, якія абвінавачаны правядзе ў папраўчай калоніі ва ўмовах узмоцненага рэжыму.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары