Školnik ź Biełarusi stanie ŭdzielnikam mižnarodnaj ekśpiedycyi da Paŭnočnaha polusa na atamnym ledakole
Heta vučań himnazii №1 Viciebska Cichan Karniajenka.
Školnik ź Biełarusi stanie ŭdzielnikam mižnarodnaj ekśpiedycyi da Paŭnočnaha polusa na atamnym ledakole, paviedamili BiełTA ŭ pres-słužbie krainavaha ofisa dziaržkarparacyi «Rasatam» u Biełarusi.
U Maskvie ŭ muziei «ATAM» 23 červienia adbyłosia padviadzieńnie vynikaŭ siomaha siezona mižnarodnaha navukova-aśvietnickaha prajekta «Ledakoł viedaŭ», arhanizavanaha pry padtrymcy «Rasatama». Byli abvieščany imiony pieramožcaŭ, jakija ŭžo ŭ žniŭni adpraviacca ŭ ekśpiedycyju da Paŭnočnaha polusa na atamnym ledakole «50 hadoŭ Pieramohi». Siarod ich — biełaruski školnik, vučań himnazii №1 Viciebska imia Žares Ałfiorava Cichan Karniajenka.
«Ledakoł viedaŭ — heta navukova-aśvietnickaja płatforma, jakaja daje šaniec kožnamu ŭdzielniku nie tolki pabyvać u Arktycy, ale i daviedacca šmat novaha pra atamnuju enierhietyku, vysokija technałohii ŭ cełym, pahutaryć sa śpiecyjalistami «Rasatama». Ja spadziajusia, što atrymaju vialiki bahaž viedaŭ i vopytu. Misija pradstaŭlać Biełaruś u majučaj adbycca ekśpiedycyi — vialiki honar i adkaznaść dla mianie», — adznačyŭ jon.
U mižnarodnym traku konkursu za mahčymaść apynucca ŭ unikalnaj arktyčnaj ekśpiedycyi spaborničali kala 5 tys. talenavitych školnikaŭ va ŭzroście ad 14 da 16 hadoŭ ź Biełarusi, Banhładeš, Balivii, Brazilii, Vienhryi, Vjetnama, Armienii, Jehipta, Indyi, Indaniezii, Kazachstana, Kitaja, Kyrhyzstana, Manholii, Mjanmy, Namibii, Ruandy, Sierbii, Tanzanii, Turcyi, Uźbiekistana, PAR.
Rekordnaja kolkaść zajavak na ŭdzieł pastupiła z Kazachstana (945 udzielnikaŭ), Kyrhyzstana (827 udzielnikaŭ) i Biełarusi (464 udzielniki).
Mižnarodny adbor startavaŭ 5 maja i prajšoŭ u try etapy.
Raboty finalistaŭ aceńvała mižnarodnaje žury, u skład jakoha ŭvajšli pradstaŭniki atamnaj haliny, navuki, adukacyi, arktyčnaj paviestki i navukovych kamunikacyj.
Na borcie atamnaha ledakoła zapłanavana nasyčanaja navukova-aśvietnickaja prahrama z udziełam rasijskich i zamiežnych ekśpiertaŭ atamnaj haliny: lekcyi, majstar-kłasy, navukovyja ekśpierymienty i inšyja interaktyŭnyja mierapryjemstvy.
Kamientary
Ale kali chočaš u šturmavyja vojski - vsiehochorošieho!