Vienhryja vystupiła suprać adpraŭki ŭ Jeŭrapiejskuju radu i Jeŭrakamisiju lista ad imia ŭsich 27 krain ES u padtrymku ŭstupleńnia ŭ błok Ukrainy i Małdovy, paviedamili Politico daśviedčanyja krynicy.
Pavodle ich słoŭ, hety dakumient nieabchodny dla dalejšaha razhladu zajavak Kijeva i Kišyniova na dałučeńnie da supolnaści. Pry hetym Vienhryja akazałasia adzinaj krainaj ES, jakaja nie padtrymała list. Dla jaho ŭchvaleńnia patrebna zhoda ŭsich 27 krain błoka, tamu pytańnie znoŭ buduć abmiarkoŭvać na nastupnym tydni, adznačyła adna z krynic vydańnia.
Raniej pieramovy pra ŭstupleńnie Ukrainy ŭ ES doŭhi čas błakavaŭ były premjer-ministr Vienhryi Viktar Orban.
Ciapierašni premjer Pieter Madźjar nie staŭ piarečyć suprać startu pieramoŭnaha pracesu, adnak nastajaŭ na tym, kab vyklučyć ź lista farmuloŭku «jak maha chutčej» adnosna dałučeńnia Kijeva da błoka.
Madźjar adznačaŭ, što Budapiešt «nie ličyć dobraj idejaj» adkryvać adrazu ŭsie pieramoŭnyja kłastary z Ukrainaj, kab paskoryć jaje ŭstupleńnie ŭ ES.
«Častkova tamu, što čarniła na dakumientach pa pieršym kłastary jašče nie vysachli, a častkova tamu, što heta pasłała b niapravilny sihnał krainam Zachodnich Bałkan — Sierbii, Ałbanii, Čarnahoryi i Paŭnočnaj Makiedonii, jakija ŭžo šmat hadoŭ pracujuć nad ustupleńniem u Jeŭrasajuz», — tłumačyŭ Madźjar.
Kamientary
Pierienapravił na siebia, lubimoho.