Da ŭdziełu zaprašajucca vučni 9—11 kłasaŭ, kaledžaŭ i technikumaŭ, studenty VNU.
U Biełarusi pravodzicca konkurs navukova-daśledčych rabot «Śvietły śled budzie viečna žyvy», prymierkavany da 135‑hodździa z dnia naradžeńnia Maksima Bahdanoviča, što budzie adznačacca ŭ śniežni. Pra heta BiełTA paviedamili ŭ Centry daśledavańnia biełaruskaj kultury, movy i litaratury NAN.
Raboty prymajucca da 18 kastryčnika. Siarod tematyki: novaje pračytańnie litaraturnaj kłasiki ŭ tvorach Maksima Bahdanoviča, aktualizacyja jaho tvorčaści ŭ moładzievaj asiarodździ, napramki pošuku novych źviestak pra Maksima Bahdanoviča, žanočyja vobrazy ŭ tvorčaści aŭtara, Maksim Bahdanovič i vobrazy jaho tvoraŭ u sučasnaj biełaruskaj kultury, štučny intelekt jak instrumient daśledavańnia i papularyzacyi biełaruskaj litaratury, idealny litaraturny muziej.
Navukova-daśledčyja raboty i zajaŭki na konkurs abaviazkova dasyłajucca jak u papiarovym, tak i ŭ elektronnym vyhladzie.
Z padrabiaznaściami možna aznajomicca na sajcie Centra daśledavańnia biełaruskaj kultury, movy i litaratury.
Kamientary