«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj
Čas ad času śpiavačku Halinu Šyškovu kličuć vystupić na dziaržaŭnych kancertach. Praŭda, nie na samych hučnych. Ale artystka nie hublaje aptymizmu i stała dyzajnierkaj aksesuaraŭ.
Śpiavačka pačała zajmacca dyzajnam roznych aksiesuaraŭ. U asnoŭnym artystka rasšyvaje kiepki pacierami i strazami. Zvyčajna jany kaštujuć 80 rubloŭ, ale jość niekalki varyjantaŭ na źnižkach za 70 rubloŭ.
A voś što raspaviadaje pra ich u sacsietkach sama aŭtarka:
— Maje klijentki nie raz kazali pra toje, što maje aksiesuary prynosiać im pośpiech, upeŭnienaść u sabie i navat hrošy — vy ŭjaŭlajecie? Ja pa znaku zadyjaku kaziaroh, i pa haraskopie mnie lepš nasić abo čornyja kolery, abo karyčnievyja. Ale najčaściej vy bačycie mianie ŭ čornaj kiepcy. Ja siabie vielmi dobra adčuvaju ŭ hetym kolery — i ŭ adzieńni, i ŭ abutku, i ŭ aksesuarach.
Zakazčycam jana abiacaje zrabić indyvidualnuju kiepku z ulikam koleratypu i typu tvaru.
Halina miarkuje, što hałaŭnyja ŭbory pierajmajuć enierhietyku svajoj stvaralnicy. Tamu jana zapeŭnivaje, što nikoli nie siadaje za pracu ŭ drennym nastroi, z błahimi dumkami ci zachvareŭšy.
Śpiavačka taksama robić čokiery, karali, zavušnicy i branzalety. U tym liku z naturalnych kamianioŭ. Im jana taksama prypisvaje mahičnyja ŭłaścivaści:
— Upryhožvańni z małachitam mohuć dapamahčy ŭmacavać vaš duchoŭny stan, palepšyć intuicyju i abaranić ad škodnaha ŭździejańnia. Ličycca kamieniem bahaćcia.
Jość u jaje kalekcyi broški ź miecham norki — byli ŭ prodažy pa 80 rubloŭ. Nie abyšłosia biez patryjatyčnych matyvaŭ — minułaj vosieńniu Halina prapanoŭvała padpisčycam nabyć broš-serca ŭ kolerach aficyjnaha biełaruskaha ściaha. Ale hetuju pracu ŭ adroźnieńnie ad mnohich inšych čamuści paŭtarać nie stała.
U chałodnuju paru hoda artystka dadaje ŭ asartymient rasšytyja pacierkami palčatki, šapki i snudy.
Darečy, u 2020 hodzie, u razhar pandemii karanavirusa, Halina pradavała maski, rasšytyja pacierkami.
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary