Kryminalnaja sprava suprać jaho była zaviedzienaja ŭ žniŭni 2025 hoda.
Tady Łajeŭskaha zatrymali, ale pad vartu nie ŭziali, i na praciahu śledstva mužčyna znachodziŭsia na voli, kaža juryst pravavoha centra Biełaruskaj asacyjacyi žurnalistaŭ Jaŭhien Pylčanka.
Padstavaj dla kryminalnaha pieraśledu Dźmitryja Łajeŭskaha stała jaho intervju «Radyjo Svaboda», jakoje jon daŭ u červieni 2021 hoda paśla sudovych sprečak pa spravie Viktara Babaryki, jakoha jon abaraniaŭ. Byłoha advakata abvinavacili pavodle artykuła ab «sadziejničańni ekstremisckaj dziejnaści», choć na toj momant «Radyjo Svaboda» nie mieła statusu «ekstremisckaha farmavańnia». Za hetaje ž intervju Dźmitryja Łajeŭskaha vyklučyli z kalehii advakataŭ.
Paźniej śledčyja vystavili byłomu advakatu jašče siem epizodaŭ «ekstremisckaj dziejnaści» — tak nazvali jaho intervju vydańniam «Lusterka», «Jeŭraradyjo», Deutsche Welle, Malanka Media i inšym. Za razmovu z «Salidarnaściu» jaho sudzili pavodle artykuła ab «dyskredytacyi Biełarusi».
«Va ŭsich hetych intervju, dadzienych pieravažna ŭ 2021 hodzie, Łajeŭski kamientavaŭ kryminalnyja spravy ŭ dačynieńni da svaich klijentaŭ Viktara Babaryki i Maksima Znaka, pieraśled advakataŭ, jakija abaraniali palitviaźniaŭ, a taksama pazbaŭleńnie jaho samoha statusu advakata», — kaža Pylčanka.
Bok abvinavačańnia nazvaŭ ich «zaviedama iłžyvymi źviestkami pra palityčnaje, sacyjalnaje i mižnarodnaje stanovišča Respubliki Biełaruś».
«Atrymlivajecca, što za krytyku ŭładaŭ Dźmitryja Łajeŭskaha i pieraśledujuć. Važna jašče toje, što ŭsio heta adbyvajecca praź dzieviać miesiacaŭ paśla taho, jak Viktara Babaryku i Maksima Znaka vypuścili z kałonij», — dadaŭ Jaŭhien Pylčanka.
Sudovy praces nad Dźmitryjem Łajeŭskim pačaŭsia 2 vieraśnia. Roŭna praz tydzień jamu vynieśli prysud — try hady pazbaŭleńnia voli. Mužčynu ŭziali pad vartu ŭ zale suda.
U 2020—2021 hadach Dźmitryj Łajeŭski abaraniaŭ palityka Viktara Babaryku i advakata Maksima Znaka. Adrazu paśla vyniasieńnia prysudu Babaryku Łajeŭskaha vyklučyli z kalehii advakataŭ. Padstavaj dla hetaha stała jaho vystupleńnie ŭ sudovych sprečkach pa spravie.
Jašče raniej, u 2011—2012 hadach, Łajeŭski byŭ advakatam pravaabaroncy Alesia Bialackaha. Paśla hetaj spravy pad ciskam jon byŭ vymušany na niekalki hadoŭ pakinuć advakaturu.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary18
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
[Zredahavana]