U Baraŭlanach znajšli redki čyrvanaknižny hryb dyjamietram 40 santymietraŭ
Jon maje niekalki narodnych nazvaŭ, u tym liku hryb-baran bo hrybnaja kapusta.
Prosta kala piešachodnaj darožki Ihar Sieviaryn znajšoŭ redki čyrvanaknižny hryb — sparasis kučaravy, dyjamietr jakoha ŭžo pieravysiŭ 40 santymietraŭ, piša pristalica.by.
— Ja bačyŭ jaho ŭ hłuchich lasach Biełarusi, ale ŭ takim ludnym miescy znajści jaho nijak nie čakaŭ! — padzialiŭsia mužčyna.
Pavodle słoŭ hrybnika, za svajo žyćcio jon tolki paru razoŭ sustrakaŭ sparasis kučaravy, ale «pasiarod vulicy» heta adbyłosia ŭpieršyniu. My vyrašyli na ŭłasnyja vočy ŭbačyć unikalny ekzemplar.
Sparasis kučaravy maje niekalki narodnych nazvaŭ: «hryb-baran», «hrybnaja kapusta» abo «zajačaja kapusta». Takija nazvy jon atrymaŭ z-za chvalistaj formy kučaravych łopaściaŭ, jakija adychodziać ad centralnaj nožki. Źniešnie pładovaje cieła sapraŭdy nahadvaje kalarovuju kapustu bežava-žoŭtaha koleru.
Zvyčajna vyšynia hetaha hryba składaje ad 5 da 20 sm, a dyjamietr — ad 6 da 30 sm. Adnak znojdzieny ŭ Baraŭlanach ekzemplar pierasiahnuŭ zvyčajnyja pamiery: jaho dyjamietr pieravysiŭ 40 sm, a navobmacak jon byŭ davoli ćviordym.
Niahledziačy na apietytnuju nazvu «hrybnaja kapusta», jadomaść sparasisa kučaravaha vyklikaje sprečki i patrabuje aściarožnaści. Mnohija krynicy adnosiać jaho da ŭmoŭna jadomych hryboŭ, adnak z-za redkaści i achoŭnaha statusu jon nie ŭjaŭlaje hastranamičnaj kaštoŭnaści. Bolš za toje, maładyja ekzemplary možna pierabłytać ź inšymi vidami, a staryja stanoviacca žorstkimi i kudzielistymi.
Hałoŭnaja ž pryčyna, pa jakoj hety hryb lepš nie čapać, — jon zaniesieny ŭ Čyrvonuju knihu (status IV katehoryi).
Tym, chto sarvie čyrvanaknižny hryb, pahražaje štraf ad 20 da 30 bazavych adzinak.
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary