Maskoŭski patryjarch Kirył uznaharodziŭ kiraŭnika Čačni Ramzana Kadyrava ordenam Słavy i honaru I stupieni. Uznaharodu prymierkavali da 50‑hodździa Kadyrava, jakoje jon adznačaje 5 kastryčnika.
U vinšavańni Kirył nazvaŭ Kadyrava valavym, metanakiravanym i adkaznym kiraŭnikom, jaki kłapocicca pra rehijon i jaho žycharoŭ. Jon taksama adznačyŭ dobryja adnosiny pamiž kiraŭnictvam Čačni i Hroźnienskaj jeparchijaj i vykazaŭ spadziavańnie na ich dalejšaje raźvićcio.
Na dumku patryjarcha, Čačenskaja Respublika paśla šmatlikich vyprabavańniaŭ dasiahnuła značnych pośpiechaŭ u sacyjalna-ekanamičnaj śfiery, harantavańni biaśpieki, a taksama ŭ naładžvańni mižrelihijnaha miru i hramadzianskaj zhody. Kirył pažadaŭ Kadyravu mocnaha zdaroŭja, dapamohi Usiavyšniaha i pośpiechaŭ u dalejšaj pracy na karyść krainy.
U dzień svajho 50‑hodździa Kadyraŭ taksama adznačyŭ hadavinu ŭstupleńnia na pasadu kiraŭnika Čačni. Paśla vybaraŭ u vieraśni, pavodle aficyjnych vynikaŭ, jon atrymaŭ 99,85% hałasoŭ.
Niezadoŭha da hetaha prezident Rasii Uładzimir Pucin prysvoiŭ Kadyravu zvańnie hienierała armii. 3 kastryčnika kiraŭnik Rashvardyi Viktar Zołataŭ u Hroznym uručyŭ jamu hienieralskija pahony i krapavy bieret — najvyšejšy znak adroźnieńnia śpiecpadraździaleńniaŭ viedamstva. U svaju čarhu Kadyraŭ prysvoiŭ Zołatavu zvańnie Hieroja Čačni.
Zvańnie hienierała armii pa staršynstvie sastupaje tolki zvańniu maršała Rasii, jakoje amal nikomu nie dajuć. Adzinym jaho ŭładalnikam u 1997 hodzie staŭ tahačasny ministr abarony Ihar Siarhiejeŭ, jaki pamior 20 hadoŭ tamu — u 2006 hodzie.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
PS/ etot , vyšieuznahorodžiennyj , NIKOHDA nie słožit pravilno 2 drobi, diesiatičnuju i niepravilnuju v arifmietikie, a iz etoho vsio śledujet. nieužieli kak parad VSIA strana (rośsija) šahajet v Ad širokoj postuṕju... DDT.
Niekananičny status Maskoŭskaha patryjarchatu ŭ Biełarusi. U 1924 hodzie Ŭsialenski patryjarch Ryhor VII, nadaŭšy aŭtakiefaliju Polskaj pravasłaŭnaj carkvie, u skład jakoj uvajšła značnaja častka byłoj Kijeŭskaj mitrapolii, u tym liku Zachodniaja Biełaruś ź Vilenščynaj, u svaim tomasie zaznačyŭ, što dałučeńnie Kijeŭskaj mitrapolii da Maskoŭskaha patryjarchatu nie było kananičnym. U 1990-ja hady ŭ liście patryjarchu maskoŭskamu Alaksiju (Rydyhieru) Usialenski patryjarch Dzimitry zajaviŭ, što Kanstantynopal vyznaje Maskoŭski patryjarchat u miežach 1589 hodu, heta značyć biez terytoryi Biełarusi, Ukrainy, Bałtyi i Smalenščyny, jakija na toj čas uvachodzili ŭ skład Rečy Paspalitaj. Nastupny Ŭsialenski patryjarch Bartałamiej dadaŭ, što RPC bieśpierapynna ŭryvałasia ŭ krainy, jakija znachodziacca pad duchoŭnaj jurysdykcyjaj Kanstantynopala, mienavita ŭ Estoniju, Vuhorščynu i inšy krainy, robiačy heta zaŭsiody z dapamohaj uzbrojenaj siły savieckaj armii. U 2006 hodzie patryjarch Bartałamej zrabiŭ zajavu ŭ Kijevie, što Kanstantynopal ličyć Kijeŭskuju mitrapoliju svajoj dačkoj i, kali pryjdzie čas, razhledzić pytańnie ab jaje samastojnaści. U kastryčniku 2018 hodu Synod Kanstantynopalskaj carkvy spyniŭ dziejańnie hramaty 1686 hodu ab padparadkavańni Kijeŭskaj mitrapolii Maskoŭskamu patryjarchatu.
Uvohule, pravasłaŭnyja kanony (34-je apostalskaje praviła) patrabujuć asobnaj carkvy dla asobnaha narodu, adnak RPC praciahvaje nie pryznavać biełarusaŭ (jak i ŭkraincaŭ) asobnymi narodami. Z hetaj pryčyny na roznych uzroŭniach ahučvajecca i paŭtarajecca formuła pra «tryadziny rasiejski narod"
-Wiki