Ukrainskaha deputata Hančarenku vyklučyli z frakcyi «Jeŭrapiejskaja salidarnaść»
Frakcyja Viarchoŭnaj Rady «Jeŭrapiejskaja salidarnaść», zhurtavanaja vakoł byłoha prezidenta Ukrainy Piatra Parašenki, zajaviła pra vyklučeńnie narodnaha deputata Alaksieja Hančarenki sa svajho składu. U palityčnaj sile patłumačyli heta ideałahičnymi roznahałośsiami, zajaviŭšy, što publičnyja pazicyi deputata nakont zaviaršeńnia vajny i budučaj sistemy biaśpieki Ukrainy razychodziacca z pazicyjaj frakcyi.
U «Jeŭrapiejskaj salidarnaści» adznačyli, što praz hetyja razychodžańni pryniali rašeńnie bolš nie praciahvać sumiesny palityčny šlach z Hančarenkam. Pry hetym tam padkreślili, što heta nie pierakreślivaje hadoŭ sumiesnaj pracy, ale partyjnaje adzinstva, na ich dumku, nie moža być farmalnaściu, kali isnujuć pryncypovyja roznahałośsi nakont budučyni dziaržavy.
U frakcyi zajavili, što ich zychodnaja pazicyja zastajecca niaźmiennaj: mir nie pavinien dasiahacca koštam admovy ad taho, dziela čaho i dziakujučy čamu Ukraina zdoleła vystajać u vajnie. Na dumku «Jeŭrapiejskaj salidarnaści», kampramisy mohuć być častkaj šlachu da zaviaršeńnia vajny, ale niezaležnaść Ukrainy, jaje jeŭrapiejskaja budučynia, pytańni nacyjanalnaj identyčnaści i prava samastojna vyznačać ułasnuju sistemu biaśpieki nie mohuć być pradmietam kampramisu.
Pryčynaj kanfliktu stali, u pryvatnaści, zajavy Hančarenki nakont mahčymych pieramoŭ z Rasijaj. 2 kastryčnika jon apublikavaŭ u svaim telehram-kanale niekalki dopisaŭ, u jakich, siarod inšaha, zaklikaŭ «damovicca z RF». Pavodle jaho mierkavańnia, adrazu damovicca pra mir niemahčyma, ale možna ruchacca pastupova — naprykład, spačatku damovicca pra spynieńnie ŭdaraŭ pa partach, a zatym pierachodzić da inšych pytańniaŭ. Jon zaklikaŭ «damaŭlacca pra ŭsio na śviecie».
U toj ža dzień «Jeŭrapiejskaja salidarnaść» zajaviła, što mir pavinien spynić vajnu, ale nie moža aznačać kapitulacyju ŭkrainskaj dziaržaŭnaści i identyčnaści.
Prezident Ukrainy Uładzimir Zialenski, kamientujučy zakliki asobnych narodnych deputataŭ spynić bajavyja dziejańni i pačać pieramovy z Rasijaj, zajaviŭ, što Ukraina nie moža «prahinacca» pad Rasiju, bo heta pryviadzie da jaje «złomu».
Deputat Alaksiej Hančarenka viadomy siarod inšaha svajoj paśladoŭnaj krytykaj režymu Łukašenki, padtrymkaj biełaruskaha demakratyčnaha ruchu i Pałka Kalinoŭskaha. U svoj čas Hančarenka inicyjavaŭ zbor podpisaŭ pad pietycyjaj z zaklikam razarvać dypłamatyčnyja adnosiny ź Biełaruśsiu i zaklikaŭ pryznać Biełaruś akupavanaj terytoryjaj.
Va ŭkrainskaj Viarchoŭnaj Radzie zaklikali pryznać Biełaruś akupavanaj terytoryjaj
Staronki ŭ sacsietkach ukrainskaha deputata Hančarenki pryznali ŭ Biełarusi «ekstremisckimi». Toj adkazaŭ
Va Ukrainie źbirajuć podpisy za razryŭ dypłamatyčnych adnosin ź Biełaruśsiu
Ukrainski deputat pieradaŭ mašynu dla Pałka Kalinoŭskaha
«My nie vyznačajem, chto jość biełaruskim lidaram». Ukrainski deputat — pra kalinoŭcaŭ, palityku i vypłaty siemjam zahinułych
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač26
Kamientary