Z Saakašvili Łukašenka apynuŭsia ŭ dobraj kampanii

Ad Hruzii Biełaruś moža nabracca tolki dobraha.

Pryciahvaje ŭvahu pašyreńnie biełaruska-hruzinskich kantaktaŭ: nibyta sustreča Łukašenki i Saakašvili ŭ Krymie; potym nibyta namier MZS Biełarusi zabaranić pajezdki hramadzian u samaabvieščanyja Abchaziju i Paŭdniovuju Asietyju, (paźniej źniapraŭdžany), narešcie interviju Michaiła Saakašvili BT, praŭda, ź nie vielmi akuratnaj intanacyjaj u pasažy pra źnikłych (kab ubačyć u tym interviju abialeńnie Łukašenki, treba vielmi chacieć jaho ŭbačyć).

Biada źviała Łukašenku z M. Saakašvili. Ale biełaruski prezident apynoŭvajecca ŭ dobraj kampanii:

Pa-pieršaje, Hruzija patencyjalna moža być pasiarednikam u kantaktach z ZŠA. Hruzija uvohule mahła b być vielmi važnym chaŭruśnikam Biełarusi, pobač z Ukrainaj (procivaha Rasii ŭ SND), Litoŭskaj respublikaj i Polščaj (prasoŭvańnie stasunkaŭ z Bruselem).

Pa-druhoje,

u Hruzii jość čamu pavučycca u płanie instytucyjanalnych reformaŭ: hruzinskija ekanamičnyja recepty Biełarusi vostra nieabchodnyja i aktualnyja na šlachu da top-30 u renkinhu Doing Business. Hruzija ŭ hetym śpisie zajmaje pačesnaje 11 miesca, najvyšejšaje siarod krainaŭ Uschodniaj Jeŭropy i Centralnaj Azii. Nie pierajmać hruzinski dośvied biesprecedentnych i paśpiachovych rynkavych reformaŭ było b hłupstvam.

Škada, što hetaje siabroŭstva, padobna, hruntujecca na varožaści da Kramla, jaki praciahvaje razhortvać infarmacyjnuju kampaniju suprać asabista Łukašenki. Ale toj fakt, što mahčymaściaj narmalizacyi adnosin Łukašenki i Kramla nie bačycca nijakich, padkazvaje, što ŭhruntavanaje na anty-kramloŭstviebiełaruska-hruzinskaje partniorstva patencyjna moža być i bolš praciahłym i tryvałym. Da taho momantu, pakul adzin z prezidentaŭ nie apyniecca ŭ adstaŭcy.

Krytykavać Saakašvili za kantakty z Łukašenkam? Razvažajučy prahmatyčna, nam treba razumieć, što

treba ŭciahvać Biełaruś u kantakty z zachodnim śvietam i šturchać na šlachu pieraŭtvareńniaŭ, u tym liku i praz Hruziju.

A što tyčycca palityki jak brudnaj spravy, dyk kudy bolš uražvaje,

jak mahło chapić cynizma ŭ Kramla «ŭspomnić» pra źnikłych palitykaŭ praz adzinaccać hadoŭ paśla tych trahičnych padziej

***

A za infarmacyjnaj vajnoj Łukašenki i Kramla ŭvohule pryjemna nazirać. Chaj i Kreml, i Łukašenka narešcie raspaviaduć praŭdu pra adno adnaho ŭ prajm-tajm. Choć takaja budzie svaboda słova i taki pluralizm mierkavańniaŭ u złaščasnaj tak zvanaj Sajuznaj dziaržavie.

P.S. A voś źjaviŭsia i taki-siaki «naš adkaz Čemberlenu» na STV: całkam praŭdzivy telesiužet pra adsutnaść svabody słova ŭ Rasii.

• 0
• 0
• 0
• 0
• 0
• 0
• 0
• 0